నటసింహం నందమూరి బాలకృష్ణ కెరీర్లో మైలురాయిగా నిలిచిన విజన్రీ డైరెక్టర్ సింగీతం శ్రీనివాసరావు అద్భుత సృష్టి “ఆదిత్య 369” మళ్లీ థియేటర్లలో సందడి చేయబోతోంది! తెలుగు సినిమా చరిత్రలో మొట్టమొదటి సైన్స్ ఫిక్షన్ మూవీగా, టైం ట్రావెల్ కాన్సెప్ట్ని భారతీయ ప్రేక్షకులకు పరిచయం చేసిన ఘనత దీనికే దక్కింది.
ఈ సంచలన క్లాసిక్ ఏప్రిల్ 4న 4K రీ-మాస్టర్ వర్షన్లో, 5.1 సౌండ్ మిక్స్తో తిరిగి థియేటర్లలో విడుదల కానుంది. అసలుగా ఏప్రిల్ 11న అనుకున్నా, పెద్ద సినిమాల జోరు ఉండటంతో ముందుగా విడుదల చేయాలని నిర్మాతలు నిర్ణయించారు.
30 ఏళ్ల కల.. చివరికి నిజమైంది!
ఈ సినిమాను కొత్త తరం ప్రేక్షకులకు పరిచయం చేయాలన్న ఆలోచనతో నిర్మాత శివలెంక కృష్ణప్రసాద్ గత ఆరేళ్లుగా ప్రయత్నిస్తున్నారు. అయితే నెగటివ్ రీల్స్ పూర్తిగా అందుబాటులో లేకపోవడం పెద్ద సవాలుగా మారింది. పాజిటివ్ ప్రింట్ కోసం అనేక ప్రయత్నాలు చేసినప్పటికీ అవి ఎక్కువగా డ్యామేజైపోయాయి.
చివరికి విజయవాడ శాంతి పిక్చర్స్ అధినేత వెంకటేశ్వరరావు దగ్గర ఒక మంచి ప్రింట్ ఉన్నట్టు తెలిసి, దాన్ని చెన్నై ప్రసాద్ ల్యాబ్కు పంపించారు. అక్కడ 4K డిజిటల్ కన్వర్షన్ కోసం సుమారు 5-6 నెలలు శ్రమించారు.
రెడీ టు రూల్ అగైన్!
ఫైనల్ కాపీ సిద్ధమైన తర్వాత శివలెంక కృష్ణప్రసాద్ స్వయంగా బాలకృష్ణ గారికి చూపించి, ఆయన ఓకే చెప్పిన వెంటనే రీ-రిలీజ్ ప్రకటన వెలువరించారు. ఇప్పుడీ క్లాసిక్ మరోసారి పెద్ద తెరపై కొత్త జనరేషన్ను విభోరపర్చేందుకు సిద్ధమైంది!
ఈ రీ-రిలీజ్ కోసం భారీ ప్రమోషన్లు ప్లాన్ చేస్తున్నారు. స్పెషల్ ఈవెంట్పై కూడా చర్చలు జరుగుతున్నాయి. బాలయ్య అభిమానులతో పాటు, తెలుగు సినిమా ప్రేమికులందరూ **”ఆదిత్య 369″**ను పెద్ద తెరపై ఆస్వాదించే సువర్ణావకాశం ఇదే!
Recent Random Post:
