టాలీవుడ్లో ఒకప్పుడు అగ్ర రచయితగా చక్రం తిప్పిన Kona Venkat, మళ్లీ మెగాస్టార్ Chiranjeevi సినిమా ద్వారా తన స్టామినాను చూపించేందుకు సిద్ధమవుతున్నారు. దర్శకుడు Bobby Kolli తెరకెక్కించనున్న ఈ భారీ ప్రాజెక్ట్కు కోన వెంకట్ రచనా సహకారం అందిస్తున్నారు. తాజాగా ఆయన చేసిన వ్యాఖ్యలు సోషల్ మీడియాలో వైరల్గా మారాయి.
ఒకప్పుడు ‘Dookudu’, ‘Ready’, ‘Dhee’ వంటి బ్లాక్బస్టర్లతో కోన వెంకట్ టాలీవుడ్లో నెంబర్ వన్ రైటర్గా నిలిచారు. ముఖ్యంగా Sreenu Vaitlaతో ఆయన కాంబినేషన్ కామెడీ ట్రెండ్ను కొత్త స్థాయికి తీసుకెళ్లింది. అయితే తర్వాత కాలంలో కొన్ని సినిమాలు ఆశించిన స్థాయిలో ఆడకపోవడంతో ఆయన హవా కొంత తగ్గింది.
ఈ సమయంలో దర్శకుడు బాబీ మాత్రం కోన వెంకట్పై తన నమ్మకాన్ని కొనసాగించారు. వీరిద్దరి కాంబినేషన్లో వచ్చిన ‘Jai Lava Kusa’ మరియు ‘Waltair Veerayya’ మంచి విజయాలు సాధించాయి. ఇప్పుడు చిరంజీవి హీరోగా తెరకెక్కనున్న కొత్త సినిమాకు కూడా కోన వెంకట్ పనిచేస్తుండటం విశేషం.
ఇక ‘బ్యాండ్ మేళం’ ప్రీ రిలీజ్ ఈవెంట్లో కోన వెంకట్ చేసిన ఛాలెంజ్ అందరి దృష్టిని ఆకర్షించింది. “ఈ సినిమా మీకు నచ్చకపోతే, నేను రచయితగా చేసే తర్వాత సినిమాను చూడకండి” అంటూ ఆయన ధైర్యంగా చెప్పారు. వెంటనే నవ్వుతూ, “తర్వాత నేను రాసేది చిరంజీవి గారి సినిమా. మీరు చూడకపోతే ఆయన నన్నే తిడతారు” అంటూ ఆసక్తికరంగా వ్యాఖ్యానించారు.
ఈ వ్యాఖ్యల ద్వారా కోన వెంకట్ తన రాబోయే ప్రాజెక్ట్పై ఎంత నమ్మకం పెట్టుకున్నారో స్పష్టమవుతోంది. మెగాస్టార్ మాస్ ఇమేజ్, బాబీ మేకింగ్ స్టైల్, దానికి కోన వెంకట్ పంచ్ డైలాగులు కలిస్తే థియేటర్లలో మళ్లీ మాస్ మేజిక్ రిపీట్ అవుతుందనే అంచనాలు వ్యక్తమవుతున్నాయి.
ఒకప్పుడు ఇండస్ట్రీని ఏలిన రచయిత, ఇప్పుడు మళ్లీ తన ఫేవరెట్ డైరెక్టర్తో కలిసి చిరంజీవి కోసం ఎలాంటి కథను సిద్ధం చేశారో అని మెగా అభిమానులు ఆసక్తిగా ఎదురుచూస్తున్నారు. ఈ సినిమాతో కోన వెంకట్ తిరిగి తన పూర్వ వైభవాన్ని అందుకుంటారని ఫ్యాన్స్ ఆశిస్తున్నారు.
Recent Random Post:
