హీరో సిద్ధు కెరీర్లో ‘టిల్లు’ పాత్ర ఒక మైలురాయి. ‘కృష్ణ అండ్ హిజ్ లీల’తో మంచి గుర్తింపు వచ్చినప్పటికీ, నిజమైన పాపులారిటీ ‘టిల్లు’తోనే వచ్చింది. సినిమా సర్ప్రైజ్ హిట్ కావడం, ఇన్స్టా రీల్స్, యూట్యూబ్ షార్ట్స్, ఓటీటీలో అద్భుతమైన స్పందన రావడం వల్ల ‘టిల్లు స్క్వేర్’కి విపరీతమైన హైప్ ఏర్పడింది. ఈ హైప్ను తగ్గకుండా, సినిమా బాక్సాఫీస్ వద్ద రూ.130 కోట్లు దక్కించుకుంది.
కానీ ‘టిల్లు’ తర్వాత సిద్ధు చేసిన ప్రయత్నాలు కొంతమేర ఫలితాన్ని ఇవ్వలేకపోయాయి. ‘జాక్’లో సాధారణ పాత్రలో ఆయన ఆకర్షణ తగ్గిపోయింది. ‘తెలుసు కదా’లో వరుణ్ పాత్రలో అద్భుతమైన ప్రదర్శన ఇచ్చినప్పటికీ, బాక్సాఫీస్ వద్ద ఆశించిన విజయం దక్కలేదు. ఫలితంగా ఆడియన్స్ దృష్టి మళ్లీ ‘టిల్లు’పై పడింది.
ఇప్పుడు సిద్ధు తన ఫ్యాన్స్ కోసమే ‘టిల్లు క్యూబ్’పై దృష్టి సారించబోతున్నాడు. త్వరలోనే ‘మ్యాడ్’ దర్శకుడు కళ్యాణ్ శంకర్తో ఈ ప్రాజెక్ట్ ప్రారంభం కానుంది. ఈ సినిమాలో సిద్ధు రైటర్గా కూడా మారి, ‘టిల్లు’ క్యారెక్టర్కి మరింత కొత్త జీవం తీసుకురాబోతున్నాడు.
Recent Random Post:
