సినిమాల్లో మ్యూజిక్ పాత్ర ఎంతో కీలకమని ప్రత్యేకంగా చెప్పనక్కరలేదు. రిలీజ్కు ముందు పాటల ద్వారానే సినిమాపై బజ్ క్రియేట్ అవుతుంది. అలాగే రిలీజ్ తర్వాత బ్యాక్గ్రౌండ్ స్కోర్ కూడా ప్రేక్షకులను థియేటర్స్లో కట్టిపడేస్తుంది. అందుకే సంగీత దర్శకులను ఎంచుకునే విషయంలో మేకర్స్ ఎప్పుడూ జాగ్రత్తగా ఉంటారు.
ఇప్పటికే సినీ ఇండస్ట్రీలో ఎస్ఎస్ తమన్, అనిరుధ్ రవిచందర్ లాంటి మ్యూజిక్ డైరెక్టర్లు విపరీతమైన ఫ్యాన్ ఫాలోయింగ్ సంపాదించుకున్నారు. వీరి ప్రతి అవుట్పుట్ సోషల్ మీడియాలో ట్రెండింగ్ అవుతుంటుంది.
తాజాగా దళపతి విజయ్ నటించిన జననాయకుడు సినిమా టీజర్ విడుదలయ్యింది. హెచ్. వినోథ్ దర్శకత్వంలో తెరకెక్కిన ఈ మూవీ ఫస్ట్ రోర్ గ్లింప్స్ ప్రేక్షకుల్లో మంచి హైప్ క్రియేట్ చేసింది. ఈ గ్లింప్స్కి అనిరుధ్ రవిచందర్ అందించిన బ్యాక్గ్రౌండ్ స్కోర్పై సోషల్ మీడియాలో చర్చ నడుస్తోంది. ఈసారి అనిరుధ్ పని ఆశించిన స్థాయిలో లేకపోవడంతో, అభిమానులు కొంత నిరుత్సాహం వ్యక్తం చేస్తున్నారు.
ఇక జననాయకుడు బాలకృష్ణ నటించిన భగవంత్ కేసరి రీమేక్ అని చాలా కాలంగా పుకార్లు వినిపిస్తున్నాయి. ఈ విషయంలో ఇంకా క్లారిటీ రాలేదు కానీ సోషల్ మీడియాలో టాక్ మాత్రం ఊపందుకుంటోంది. భగవంత్ కేసరికి ఎస్ఎస్ తమన్ అందించిన మ్యూజిక్, బ్యాక్గ్రౌండ్ స్కోర్ బాగా ఆకట్టుకున్నాయి. బాలయ్య సినిమాలకు తమన్ ఇచ్చిన ఎలివేషన్స్ అభిమానుల హృదయాల్లో నిలిచిపోయాయి.
దీంతో జననాయకుడు బ్యాక్గ్రౌండ్ స్కోర్ కోసం కూడా తమన్ను ఎంచుకుని ఉంటే బావుండేదని సినీ ప్రియులు అభిప్రాయపడుతున్నారు. అనిరుధ్ కన్నా తమన్ ఈ సినిమాలో పని చేసి ఉంటే, అవుట్పుట్ మరింత బలంగా ఉండేదని ఫ్యాన్స్ చెబుతున్నారు. తమన్ టాలెంట్ ఎప్పటిలాగే వెలుగొందుతోందని, ఆయనకు ఇంకా ఎన్నో హిట్లు దక్కే అవకాశం ఉందని కూడా సోషల్ మీడియాలో కామెంట్లు వస్తున్నాయి. రాబోయే రోజుల్లో తమన్ ఏవిధమైన సూపర్ హిట్స్ అందిస్తారో చూడాలి.
Recent Random Post:
