యూత్ పల్స్ని పట్టి వరుస హిట్స్ అందుకుంటున్న కోలీవుడ్ యంగ్ హీరో ప్రదీప్ రంగనాథ్ ఇప్పుడు తమిళ్ ఇండస్ట్రీలో హాట్ టాపిక్గా మారాడు. ‘లవ్ టుడే’ సినిమాతో సూపర్ హిట్ సాధించిన ఆయన, ఈ ఏడాది వచ్చిన ‘డ్రాగన్’ చిత్రంతో మరోసారి విజయం అందుకున్నాడు. ప్రస్తుతం ప్రదీప్ చేతిలో రెండు క్రేజీ ప్రాజెక్టులు ఉన్నాయి — ఒకటి విఘ్నేష్ శివన్ దర్శకత్వంలో వస్తున్న ‘ఎల్.ఐ.కె’ (LIK), మరొకటి ‘డ్యూడ్’, దీనిని కీర్తీశ్వరన్ డైరెక్ట్ చేశారు.
మైత్రి మూవీ మేకర్స్ నిర్మించిన ‘డ్యూడ్’ చిత్రంలో మమితా బైజు హీరోయిన్గా నటించింది. అయితే, అభిమానులకు ఆశ్చర్యం కలిగిస్తూ ‘డ్యూడ్’ మరియు ‘LIK’ రెండు సినిమాలు ఒకే రోజున రిలీజ్ అవుతున్నాయని సమాచారం బయటకు వచ్చింది! దీపావళి కానుకగా అక్టోబర్ 17న ‘డ్యూడ్’ థియేటర్లలోకి రానుంది. కానీ అదే రోజున LIK కూడా రిలీజ్ అవుతుందని ఇప్పటికే ప్రకటించడంతో చర్చ మొదలైంది.
‘డ్యూడ్’ ప్రమోషన్లు ప్రస్తుతం జోరుగా సాగుతున్నాయి, ముఖ్యంగా మైత్రి మేకర్స్ బ్యానర్ కావడంతో ప్రచారం దూకుడుగా ఉంది. ప్రదీప్ సోషల్ మీడియా అకౌంట్స్లో కూడా ‘డ్యూడ్’ అప్డేట్స్ బాగా వస్తున్నాయి, అయితే ‘LIK’ గురించి మాత్రం పెద్దగా సమాచారమేమీ లేదు. ఇండస్ట్రీ టాక్ ప్రకారం, LIK తమిళ్లో మాత్రమే రిలీజ్ అయ్యే అవకాశం ఉండగా, ‘డ్యూడ్’ తెలుగులో కూడా మంచి స్కేల్లో రిలీజ్ ప్లాన్ చేస్తున్నారు.
ఇక అక్టోబర్ 17న బాక్సాఫీస్ వద్ద పోటీ బాగా రేగబోతోంది. అదే రోజు కిరణ్ అబ్బవరం నటించిన ‘కే ర్యాంప్’, అలాగే సిద్ధు జొన్నలగడ్డ నటించిన ‘తెలుసు కదా’ సినిమాలు కూడా విడుదల కానున్నాయి. కే ర్యాంప్ మాస్ యాక్షన్ ఎంటర్టైనర్గా, తెల్సు కదా రొమాంటిక్ లవ్ స్టోరీగా ప్రేక్షకుల ముందుకు రానుండగా, ప్రదీప్ రంగనాథ్ ‘డ్యూడ్’ కూడా ఈ పోటీలో చేరింది.
దీపావళి ముందు నుంచే సినిమాల పండగ మొదలవుతోంది. ఏ సినిమాకు పాజిటివ్ టాక్ వస్తుందో, ఆ సినిమానే ఫెస్టివల్ సీజన్లో పెద్ద లాభం దక్కించుకునే అవకాశం ఉంది. అందుకే మేకర్స్ తమ సినిమాల ప్రమోషన్లతో ప్రేక్షకుల దృష్టిని ఆకర్షించేందుకు జోరుగా ప్రయత్నిస్తున్నారు.
Recent Random Post:
