‘డబుల్ ఇస్మార్ట్’ తర్వాత తన కొత్త ప్రాజెక్ట్ను వేగంగా ముందుకు తీసుకెళ్లేందుకు దర్శకుడు పూరి జగన్నాథ్ పూర్తిగా ప్రీ-ప్రొడక్షన్ పనుల్లో మునిగిపోయారు. ‘బెగ్గర్’ అనే వర్కింగ్ టైటిల్తో ఉన్న ఈ యాక్షన్ థ్రిల్లర్లో ఇప్పటికే టబు, రాధికా ఆప్టేలను కీలక పాత్రల కోసం ఫైనల్ చేశారు. తాజాగా, హీరో భార్య పాత్ర కోసం నివేదా థామస్ను సంప్రదించినట్టు తాజా సమాచారం. ఆమె నుంచి ఇంకా అధికారిక సమాధానం రాలేదు కానీ, సానుకూలంగా స్పందించినట్టు టాక్.
ఇటీవల ’35 చిన్న కథలు’ సినిమాతో మళ్ళీ లైమ్ లైట్లోకి వచ్చిన నివేదాకు ఇది మంచి అవకాశం కావొచ్చు. రెగ్యులర్ గ్లామర్ పాత్రలకు కాకుండా, పెర్ఫార్మెన్స్కు స్కోప్ ఉన్న క్యారెక్టర్లలో ఆమెకు మంచి క్రేజ్ ఉంది.
పూరి జగన్నాథ్ ఈ సినిమాను కేవలం రెండు నెలల్లో షూటింగ్ పూర్తి చేసేలా గట్టి ప్లాన్ చేసుకున్నారని, విజయ్ సేతుపతి కూడా పరిమిత డేట్స్తో ఈ ప్రాజెక్ట్లో భాగమవుతున్నారని చెన్నై టాక్. విజయ్ సేతుపతి స్క్రిప్ట్పై నమ్మకంతో ‘యెస్’ చెప్పడం, పూరి స్టైల్లో మళ్లీ స్పీడ్ చూపించడానికి సిద్ధంగా ఉండటం పరిశ్రమలో మంచి చర్చనీయాంశమైంది.
ప్రస్తుతం ఈ సినిమాకు సంబంధించిన అధికారిక ప్రారంభం, పూజా కార్యక్రమాలు జరగలేదు. అన్ని ఫైనల్ అయిన తర్వాతే మీడియాకు అధికారికంగా అనౌన్స్ చేయాలని యూనిట్ ప్లాన్ చేస్తోంది. లీకైన టైటిల్ ప్రకారం, పూర్ టు రిచ్ కాన్సెప్ట్తో పూరి మార్క్ ఎంటర్టైనర్గా సినిమాను తెరకెక్కించబోతున్నారని అర్థమవుతోంది.
ఈ చిత్రాన్ని పూరి జగన్నాథ్ స్వయంగా నిర్మాణ భాగస్వామిగా కూడా తీసుకుంటున్నారు. ఈ ప్రాజెక్ట్ విజయవంతమైతే, పూరి మళ్లీ తన ట్రాక్లోకి రావచ్చు. ఫ్యాన్స్ ఆశిస్తున్న రీ-ఎంట్రీకి ఇది గొప్ప అవకాశం కావొచ్చు.
Recent Random Post:
