టాలీవుడ్పై పెరుగుతున్న పైరసీ సమస్యపై దర్శకుడు రామ్ గోపాల్ వర్మ తనదైన స్టైల్లో స్పందించారు. పైరసీ ఎప్పటికీ పూర్తిగా ఆగిపోదని వర్మ స్పష్టం చేశారు. ఇది టెక్నాలజీ లోపం కాదు, దొంగిలించిన కంటెంట్కి డిమాండ్ ఎక్కువగా ఉండటమే అసలు కారణమని చెప్పారు.
ఇటీవలి రోజుల్లో ‘ఐబొమ్మ రవి’ని ‘రాబిన్ హుడ్’తో పోల్చడాన్ని ఆయన పూర్తిగా తప్పుబట్టారు. రాబిన్ హుడ్ హీరో కాదు, నేటి ప్రమాణాల ప్రకారం అతను కూడా ఒక క్రిమినల్ అని వర్మ పేర్కొన్నారు. ధనవంతుల దగ్గర నుంచి దోచుకుని ఇతరులకు పంచుతాననే భావనే దిగజారుడు మనస్తత్వానికి నిదర్శనమని విమర్శించారు. దొంగిలించిన వస్తువులను ఉచితంగా అందిస్తున్నాడనే కారణంతో ఒక నేరస్తుడిని హీరోలా చూపడం పూర్తిగా తప్పు అని చెప్పారు.
ప్రేక్షకులు చెప్పే “టికెట్ రేట్లు ఎక్కువ”, “పాప్కార్న్ ఖరీదు ఎక్కువ” అనే కారణాలను కూడా RGV తోసిపుచ్చారు. “BMW కారు ఖరీదైతే షోరూమ్ దోచుకుని పంచిపెడతారా? అదే విధంగా సినిమా ఖరీదైందని దొంగతనం చేయడం కూడా నేరమే” అని ఆయన ఉదాహరణ ఇచ్చారు. ఈ లాజిక్ మన సమాజాన్ని పతనం దిశగా నెడుతుందని హెచ్చరించారు.
ఇక్కడ మరో ఆసక్తికర విషయం—పైరసీకి సినీ పరిశ్రమలోని కొందరే కూడా కారణమని ఆయన అన్నారు. ఇండస్ట్రీలోని చాలా మంది తమ సమయం, డబ్బు ఆదా చేసుకోవడానికి పైరసీ కంటెంట్ చూస్తున్నారని వర్మ ఒప్పుకున్నారు. పైరసీ చూడటానికి ప్రజలు పెద్ద నిరసన చూపడం కాదు, కేవలం సౌలభ్యం మాత్రమే కారణమని స్పష్టం చేశారు.
పైరసీని ఆపడానికి ఒక్కటే కఠిన మార్గముందని వర్మ సూచించారు—దొంగతనం చేసిన వాడిని కాదు, దొంగిలించిన కంటెంట్ చూసే ప్రేక్షకుడినే పట్టుకోవాలని. వందమంది పైరసీ చూస్తున్న వారిని అరెస్ట్ చేసి, వారి పేర్లను పబ్లిక్లో పెట్టితేనే భయం పెరిగి సమస్య తగ్గుతుందని ఆయన అభిప్రాయపడ్డారు. “మంచి మనసు కాదు… భయమే పైరసీని ఆపుతుంది” అని తేల్చిచెప్పారు. పైరసీ లింక్ చూడటం అనేది “దొంగ సొత్తును స్వీకరించడం”లాగే నేరమని ప్రజలకు అర్థమయ్యేలా కఠిన చర్యలు అవసరం అని అన్నారు.
Recent Random Post:
