ప్రఖ్యాత కోలీవుడ్ యంగ్ హీరో మరియు దర్శకుడు ప్రదీప్ రంగనాథన్, ఇటీవల నటించిన డ్యూడ్ చిత్రం ద్వారా ప్రేక్షకుల హృదయాలను దోచుకున్నాడు. ఈ చిత్రానికి కీర్తిస్వరణ్ దర్శకత్వం వహించారు. మమితా బైజు ప్రధాన పాత్రలో, ఐశ్వర్య శర్మ, నేహా శెట్టి, ఆర్. శరత్ కుమార్, రోహిణి తదితరులు కీలక పాత్రలు పోషించారు. గత సంవత్సరం విడుదలైన ఈ సినిమా ప్రదీప్కు కమర్షియల్గా అతిపెద్ద విజయాన్ని అందించింది.
ఇప్పుడే ప్రదీప్ మరోసారి హిట్ కొట్టడానికి సిద్దమవుతున్నారు. డ్రాగన్, లవ్ టుడే, డ్యూడ్ వంటి విజయవంతమైన చిత్రాల తర్వాత ఆయన తదుపరి చిత్రాన్ని ఈ ఏడాది ప్రారంభించబోతున్నారు. డ్రాగన్ సినిమా నిర్మాతలు AGS ఎంటర్టైన్మెంట్స్ ఆయనతో మరో ప్రాజెక్ట్ కోసం గ్రీన్ సిగ్నల్ ఇచ్చారు. ఇందులో ప్రదీప్ రంగనాథన్ మాత్రమే హీరోగా నటించక, దర్శకత్వం కూడా స్వీకరించనున్నారు. ఈ చిత్రం సైన్స్ ఫిక్షన్ ఎంటర్టైన్మెంట్ గా రూపొందనుంది, ప్రీ ప్రొడక్షన్ పనులు ఇప్పటికే జరుపుకుంటున్నాయి.
ఈసారి ప్రదీప్తో ఏకంగా ఇద్దరు స్టార్ హీరోయిన్లు నటించబోతున్నారని సమాచారం. వీరిలో ఒకరు గత సంక్రాంతి హిట్ హీరోయిన్ మీనాక్షి చౌదరి, మరొకరు ఈ ఏడాది శివ కార్తికేయన్ హీరోగా చేసిన పరాశక్తి చిత్రంలో కోలీవుడ్కి పరిచయం అయిన శ్రీ లీల. వీరు ఇద్దరు కూడా క్రేజీ, టాప్ హిరోయిన్లుగా, ప్రదీప్ సినిమాకు అదనపు ఆకర్షణను అందిస్తారని నెటిజన్లు కామెంట్లు చేస్తున్నారు.
AGS ఎంటర్టైన్మెంట్స్ ఈ చిత్రానికి భారీ బడ్జెట్ కేటాయిస్తున్నట్లు తెలుస్తోంది. త్వరలోనే అధికారిక ప్రకటన వెలువడనుంది.
ప్రదీప్ రంగనాథన్ తన కెరీర్ను నటన, దర్శకత్వం, నేపథ్య గానం, స్క్రీన్ రైటింగ్, ఎడిటింగ్ లో శ్రేష్ఠత చూపిస్తూ కోలీవుడ్లో మల్టీ-టాలెంటెడ్ వ్యక్తిగా గుర్తింపు పొందారు. SSN కాలేజ్ ఆఫ్ ఇంజినీరింగ్ లో ఇంజినీరింగ్ పూర్తి చేసిన తర్వాత, వాట్సప్ కాదల్ సహా అనేక షార్ట్ ఫిలిమ్స్ ద్వారా కెరీర్ ప్రారంభించి, ఇప్పుడు సక్సెస్ఫుల్ స్టార్ హీరోగా మారారు.
Recent Random Post:
