రాజమౌళి కేవలం దర్శకుడు మాత్రమే కాదు. ఆయన భారతీయ సినిమాకు ప్రపంచ స్థాయిలో గుర్తింపు తెచ్చిన ఒక బ్రాండ్. బాహుబలితో భారతీయ సినిమా సరిహద్దులను విస్తరించారు, RRRతో ఆస్కార్ వేదికపై తెలుగు జెండాను ఎగురవేశారు.
అలాంటి లెజెండ్రీ దర్శకుడు వచ్చే అవకాశం ఎంత? నిజానికి, ఇది సులభం కాదు. రాజమౌళిని మించడానికి కేవలం ప్రతిభతో సరిపోదు. అంతేకాకుండా, కాలానుగుణ సాంకేతికత, అంతర్జాతీయ మార్కెట్ అవగాహన ఉండాలి. ప్రస్తుత ట్రెండ్ ప్రకారం, రాజమౌళి స్థాయికి చేరడానికి, దాన్ని అధిగమించడానికి మరొక 10–15 సంవత్సరాలు పడే అవకాశం ఉంది. ఎందుకంటే, రాజమౌళి ఒక్క సినిమాతో ఈ స్థాయికి రాలేదు; 20 ఏళ్ల కఠిన శ్రమ, నిరంతర అభ్యాసం ఆయనను టాలీవుడ్ నంబర్ వన్ స్థానంలో నిలిపాయి.
రాజమౌళిని అధిగమించాలంటే మొదట విజన్ ఉండాలి. రాజమౌళి కథను ఎంచుకున్నప్పుడు అది కేవలం తెలుగు ప్రేక్షకుల కోసం కాకుండా, విదేశీ ప్రేక్షకులకూ అర్థమయ్యే యూనివర్సల్ ఎమోషన్ ఉండేలా చూసుకుంటారు. ప్రస్తుతం టాలీవుడ్లో ఉన్న సుకుమార్, ప్రశాంత్ నీల్, నాగ్ అశ్విన్ వంటి దర్శకులకు ఈ సత్తా ఉంది. ముఖ్యంగా నాగ్ అశ్విన్ కల్కి 2898 AD ద్వారా ప్రపంచ స్థాయి మేకింగ్ పరిచయం చేశారు. ఈ దర్శకులు తమ తదుపరి చిత్రాలతో గ్లోబల్ మార్కెట్ను పక్కాగా ఆకర్షిస్తే, రాజమౌళికి పోటీ ఇవ్వగల స్థాయికి చేరవచ్చు.
సాంకేతిక పరంగా రాజమౌళి విజువల్ ఎఫెక్ట్స్ వాడకంలో మాస్టర్. కానీ టెక్నాలజీ రోజురోజు మారుతోంది. ఆర్టిఫిషియల్ ఇంటెలిజెన్స్, వర్చువల్ ప్రొడక్షన్ తదితర సాంకేతికత రాబోయే కొత్త తరం దర్శకులకు అందుబాటులోకి వస్తాయి. ఈ అడ్వాన్స్డ్ టెక్నాలజీని వినియోగించి, తక్కువ బడ్జెట్లో కాంప్లెక్స్ విజువల్ వండర్స్ సృష్టించే దర్శకుడు రాకుండా ఉండడు.
రాజమౌళిని అధిగమించడంలో అతిపెద్ద అడ్డంకి స్థిరత్వం. జక్కన్న కెరీర్లో ఇప్పటి వరకు ఒక్క ఫ్లాప్ కూడా లేదు. కేవలం ఒక భారీ హిట్ చేయడం మించినట్లు కాదు; వరుసగా ఐదు-పది చిత్రాలను అదే స్థాయిలో రూపొందించగల సత్తా ఉన్న దర్శకుడు మాత్రమే ఆయన స్థాయిని సూటిగా మించగలడు.
గతంలో ఎవరు శంకర్ కంటే గొప్ప దర్శకుడు లేరనుకున్నారంటే, రాజమౌళి వచ్చారు. ఇప్పుడు ఆయన కంటే గొప్పవారు లేరు, కానీ భవిష్యత్తులో ఖచ్చితంగా ఒక కొత్త దర్శకుడు రావడం ఖాయం. ఆయన ఇప్పుడు షార్ట్ ఫిలిమ్స్ చేస్తూ, లేదా రాజమౌళి అసిస్టెంట్గా ఉండవచ్చు. 2035–2040 వరకు టాలీవుడ్ నుంచి గ్లోబల్ బాక్సాఫీస్ వద్ద వేల కోట్ల వసూళ్లు రాబట్టగల ఒక మహా దర్శకుడు ఉద్భవించే అవకాశం ఉంది.
Recent Random Post:
