మెగాస్టార్ చిరంజీవి వారసుడిగా సినీ పరిశ్రమలో అడుగుపెట్టిన రామ్ చరణ్, తండ్రి ప్రభావాన్ని అధిగమించి తనకంటూ ప్రత్యేక గుర్తింపు తెచ్చుకున్నాడు. కేవలం చిరంజీవి కుమారుడిగా కాకుండా, తన అభినయం, కృషితో గ్లోబల్ స్థాయికి ఎదిగి వందల కోట్ల మార్కెట్ ఉన్న స్టార్గా నిలిచాడు. ఇండస్ట్రీలో తన స్థానం సంపాదించుకోవాలంటే కేవలం వారసత్వం సరిపోదని చరణ్ చాలా తొందరగా గ్రహించాడు.
తన ప్రయాణంలో చిరంజీవి మార్గదర్శకుడిగా ఉండగా, బాబాయ్ పవన్ కళ్యాణ్ వ్యక్తిగతంగా చరణ్పై ప్రభావం చూపించారు. పవన్ స్వాగ్, ఫిలాసఫీ అంటే చరణ్కి ఎంతో ఇష్టం. బాబాయ్ కూడా చరణ్ను కొడుకుగా కాకుండా తమ్ముడిలా చూసుకుంటారు. చిరంజీవి కూడా రామ్ చరణ్ గురించి గర్వంగా మాట్లాడుతూ, జీవితంలో నిజంగా సంపాదించిందేమిటంటే రామ్ చరణ్ అని చెప్పిన సందర్భాలు ఉన్నాయి.
చరణ్ బాల్యం, చదువుల విషయానికి వస్తే, ఆయన చెన్నైలో జన్మించి పద్మ శేషాద్రి బాల భవన్లో ప్రాథమిక విద్యను అభ్యసించాడు. అనంతరం హైదరాబాద్ పబ్లిక్ స్కూల్లో స్కూలింగ్ పూర్తి చేసి, సెయింట్ మేరీస్ కాలేజీలో డిగ్రీ చదివాడు. చదువుల్లో అంత యాక్టివ్ కాకపోయినా, రానా, శర్వానంద్లతో కలసి తిరిగిన రోజుల్లో ఎన్నో సరదా సంఘటనలు జరిగాయని రానా పలుసార్లు వెల్లడించాడు. స్కూల్, కాలేజీలకు బంక్ కొట్టిన సందర్భాలు కూడా చాలానే ఉన్నాయి.
సినిమా వాతావరణంలో పెరిగినప్పటికీ, చిరంజీవి ఇంట్లో పెద్దగా ఆ ప్రభావం పడకుండా చూసుకున్నారు. అయితే చిన్నప్పటి నుంచే రామ్ చరణ్కి ఫ్యాషన్, డాన్స్ మీద ఆసక్తి ఉండటాన్ని గుర్తించి, చిరంజీవి అప్పుడప్పుడూ ఇంట్లోనే డాన్సింగ్ ప్రాక్టీస్ చేయించేవారు. తండ్రే తన మొదటి డాన్స్ మాస్టర్ అయినట్లు చెప్పుకోవచ్చు. అనంతరం ముంబైలోని కిషోర్ నమిత్ కపూర్ యాక్టింగ్ స్కూల్లో శిక్షణ తీసుకున్నాడు.
ఈ ప్రయాణానికి ముగింపు లేకుండా 2007లో చిరుత సినిమాతో టాలీవుడ్కు హీరోగా ఎంట్రీ ఇచ్చి, అంచెలంచెలుగా ఎదిగి ఇండస్ట్రీలో తనకంటూ ఓ ప్రత్యేకమైన గుర్తింపు తెచ్చుకున్నాడు.
Recent Random Post:
