కన్నడ సుందరి రుక్మిణి వసంత్ ప్రస్తుతం దక్షిణాదిలో సంచలనం రేపుతోంది. వరుసగా పాన్ ఇండియా సినిమాలలో ఛాన్స్లు అందుకుంటూ, తాను ఓ ప్రత్యేక బ్రాండ్గా వెలుగొందుతోంది. సప్తసాగరాలు సినిమాతో వచ్చిన అసాధారణ గుర్తింపు ఆమెకు ఈ అవకాశాల ద్వారం తెరిచింది.
ప్రస్తుతం ఆమె చేతిలో కాంతార చాప్టర్ 1, డ్రాగన్, టాక్సిక్ వంటి భారీ ప్రాజెక్టులు ఉన్నాయి. త్వరలో మురుగదాస్ దర్శకత్వంలో తెరకెక్కుతున్న మద రాసితో ప్రేక్షకుల ముందుకు రానుంది. అంతకుముందే ఆమె కన్నడలో కొన్ని సినిమాలు చేసింది. తెలుగులో కూడా అప్పుడో ఇప్పుడో ఎప్పుడో చిత్రంలో నటించి తన అందం, అభినయంతో ఆకట్టుకుంది.
ట్యాలెంట్తో పాటు బ్యూటీ కూడా ఉండడంతో రుక్మిణి వసంత్కు వరుసగా అవకాశాలు దక్కుతున్నాయి. అయితే ఇవన్నీ తన అదృష్టమేనని, తాను ‘లక్కీ గాళ్’గా భావిస్తానని ఆమె చెబుతోంది. సప్తసాగరాలు తర్వాత వచ్చిన గుర్తింపే ఈ అవకాశాలన్నింటికీ కారణమని ఆమె అంగీకరించింది.
“ఆ సినిమా తర్వాత అవకాశం రాకపోతే, నేను మరో ఉద్యోగం చూసుకోవాల్సిందే. ఇక్కడే ఉండి సమయం వృథా చేయాలని ఎప్పుడూ అనుకోలేదు” అని రుక్మిణి candidగా చెప్పింది. అదృష్టం కలిసివచ్చి కొత్త ప్రాజెక్టులు వరుసగా రావడంతోనే తాను బిజీ నటి అయిందని చెప్పింది.
చాలామంది విజయానంతరం గతాన్ని మరిచి ప్రస్తుతాన్నే పట్టించుకుంటారు. కానీ రుక్మిణి మాత్రం తనకు గుర్తింపు ఇచ్చిన సప్తసాగరాలు సినిమాను మరువకపోవడం, తన డౌన్ టు ఎర్త్ అటిట్యూడ్ను స్పష్టంగా చూపిస్తుంది.
Recent Random Post:
