ఏపీ, తెలంగాణ ప్రాంతాల్లో జూన్ 1 నుంచి సినిమా హాళ్లలో ప్రదర్శనలు నిలిపివేయనున్నట్టు ఎగ్జిబిటర్ల సంఘం ప్రకటించగా, తాజాగా వారు తమ నిర్ణయం వెనక్కి తీసుకున్నారు. జూన్ 1 నుంచి ఎలాంటి బంద్ లేకుండా సినిమా హాళ్లు యథావిధిగా పనిచేయనున్నట్టు స్పష్టం చేశారు. దీనిపై పూర్తి స్పష్టత కూడా వచ్చిందని ఎగ్జిబిటర్ల సంఘం తెలిపింది.
ఇప్పటికే హైద్రాబాద్లో ఎగ్జిబిటర్ల సంఘం, ఫిలిం చాంబర్ సభ్యులు సమావేశమై జూన్ 1 నుంచి బంద్ నిర్వహించే ప్రకటనపై చర్చించారు. అసలు సమస్యల పట్ల ఆందోళన వ్యక్తం చేస్తూ, వాటి పరిష్కారాన్ని డిమాండ్ చేస్తున్నారు. గతంలో ఏపీ ఉప ముఖ్యమంత్రి పవన్ కల్యాణ్ను సినీ ప్రముఖులు కలిసినప్పటికీ సమస్యలు ఇంకా పరిష్కరించబడలేదని తమ వాదన.
ఈ నేపథ్యంలో బంద్కు పిలుపునిచ్చిన వారు ఉన్నారు. అయితే, ఈ నిర్ణయం రాజకీయ దురుద్దేశాలతో తీసుకున్నది అని, పవన్ కల్యాణ్ సినిమా ‘హరి హర వీరమల్లు’ జూన్ 12న విడుదలకు సమీపిస్తున్నప్పుడు బంద్కు పిలుపునిచ్చారని విమర్శలు వెల్లువెత్తాయి. జనసేన నేతలు కూడా దీనిపై స్పందిస్తూ, ఇది కుట్రపూరిత నిరసన అని, రాజకీయ ఉద్దేశాలు ఉన్నాయని వ్యాఖ్యానించారు.
Recent Random Post:
