గజినితో తెలుగు ప్రేక్షకుల మనసు దోచుకున్న సూర్యకి తెలుగులోనూ విశేష క్రేజ్ వచ్చింది. ఆ తర్వాత వచ్చిన సినిమాలు కూడా మంచి స్పందనను తెచ్చిపెట్టడంతో, తెలుగు ప్రేక్షకులు కూడా సూర్య సినిమాల కోసం ఎదురు చూడటం మొదలెట్టారు. అయితే ఈ సూపర్ క్రేజ్కి “కంగువ” తర్వాత బ్రేక్ పడినట్టే అయింది.
పాన్ ఇండియా స్థాయిలో రూపొందిన ఈ పీరియాడిక్ ఫాంటసీ డ్రామాపై సూర్య, నిర్మాత జ్ఞానవేల్ రాజా భారీ ఆశలు పెట్టుకున్నారు. దర్శకుడు శివ తెరకెక్కించిన ఈ చిత్రాన్ని దాదాపు రూ. 300 కోట్ల బడ్జెట్తో నిర్మించారు. కానీ రిలీజ్ తర్వాత బాక్సాఫీస్ వద్ద పెద్ద డిజాస్టర్గా మిగిలిపోయింది. కనీసం రూ. 100 కోట్లు కూడా వసూలు చేయలేకపోవడం యూనిట్కు షాక్ ఇచ్చింది.
ఈ ఫలితంతో పాటు, తెలుగు మార్కెట్లో సూర్య క్రేజ్కు కూడా కొంత డ్యామేజ్ అయ్యింది. “కంగువ” తెలుగు హక్కులు రూ. 22 కోట్లకు అమ్ముడయ్యినప్పటికీ, ప్రస్తుతం నిర్మాణంలో ఉన్న “రెట్రో”కి కేవలం రూ. 10 కోట్లు మాత్రమే రావడం గమనార్హం.
ఇంకా, దర్శకుడు కార్తీక్ సుబ్బరాజ్ అందించిన స్క్రిప్ట్కి సంబంధించి ఇటీవల వచ్చిన “గేమ్ ఛేంజర్” ఫలితం కూడా “రెట్రో”పై నెగటివ్ ఇంపాక్ట్ చూపిస్తోందని ట్రేడ్ వర్గాలు చెబుతున్నాయి. పూజా హెగ్డే హీరోయిన్గా ఉన్నా, ఆమె క్రేజ్ తగ్గిపోవడం కూడా సినిమాపై పెద్దగా బజ్ తీసుకురాలేకపోయింది.
పైగా ఇదే రోజున నాని “హిట్ 3” రిలీజ్ కావడం రెట్రోకి మరో ఎదురుదెబ్బ. “హిట్ 3” ట్రైలర్కు వచ్చిన స్పందన చూసిన తరువాత అందరి దృష్టి ఆ సినిమాపైనే కేంద్రీకరించడమే కాక, “రెట్రో” గురించి ఎవరూ ఆసక్తి చూపించడంలేదు.
ఈ పరిస్థితి చూసిన ఇండస్ట్రీ వర్గాలు “టాలెంట్ ఉన్నా సరే, హిట్ లేకపోతే క్రేజ్ నిలబడదు” అనే మాటని మళ్లీ గుర్తుచేసుకుంటున్నారు. “కంగువ” ఫలితం సూర్యకు భారీ మైనస్గా మారినట్టే తెలుస్తోంది.
Recent Random Post:
