బాలీవుడ్ గ్రీకు గాడ్ హృతిక్ రోషన్ తన కెరీర్లో ఎన్నో బ్లాక్బస్టర్ సినిమాలు ఇచ్చాడు. ప్రస్తుతం వార్ 2 సినిమాతో ప్రేక్షకుల ముందుకు రానున్నాడు. ఆగస్ట్ 14న రిలీజ్ కానున్న ఈ సినిమాపై భారీ అంచనాలున్నాయి. ఈ నేపథ్యంలో సినిమా ప్రమోషన్లలో బిజీగా ఉన్న హృతిక్ ఇటీవల ఓ ఇంటర్వ్యూలో తన ఫ్యాన్స్కు ఓ స్పెషల్ సలహా ఇచ్చాడు.
“వారానికి ఒకసారి సోషల్ మీడియాకు బ్రేక్ ఇవ్వండి!” – ఇదే హృతిక్ రోషన్ ఇచ్చిన సందేశం. గతంలో తాను కూడా సోషల్ మీడియాలో నుంచి కొంతకాలం విరామం తీసుకున్నానని, అందుకు ఫలితాలు బాగానే వచ్చాయని చెప్పాడు. “రోజంతా ఫోన్తోనే ఉండటం వల్ల మనకు తెలియకుండానే మన జీవితంలో ఎన్నో మార్పులు వస్తాయి. కొన్నిసార్లు మన అసలైన వ్యక్తిత్వాన్ని మర్చిపోతాం. అందుకే వారానికి కనీసం ఒకరోజైనా సోషల్ మీడియాకు దూరంగా ఉండాలని నేను సలహా ఇస్తున్నాను” అంటూ చెప్పుకొచ్చాడు హృతిక్.
ఇక వార్ 2 విషయానికొస్తే, ఈ చిత్రం మొదటి భాగమైన ‘వార్’ కు సీక్వెల్గా రూపొందుతోంది. అయాన్ ముఖర్జీ దర్శకత్వం వహించిన ఈ చిత్రాన్ని యష్ రాజ్ ఫిలిమ్స్ భారీ బడ్జెట్తో నిర్మిస్తోంది. ఈ సినిమాలో టాలీవుడ్ స్టార్ ఎన్టీఆర్ కూడా కీలక పాత్రలో నటిస్తున్నాడు. తాజాగా విడుదలైన ట్రైలర్కు అద్భుత స్పందన లభించింది.
అలాగే, హృతిక్ తల్లి వార్ 2 లోని ఒక లవ్ సాంగ్కు హుక్ స్టెప్ ప్రాక్టీస్ చేస్తున్న వీడియోను ఆయన సోషల్ మీడియాలో షేర్ చేయగా.. అది ఇప్పుడు నెట్టింట వైరల్గా మారింది.
Recent Random Post:
