బాలీవుడ్ స్టార్ ఆలియా భట్ మరోసారి వార్తల్లో నిలిచారు. తరచుగా సెలబ్రిటీలు సోషల్ మీడియా విమర్శలు, ట్రోలింగ్, వ్యక్తిగత ఒత్తిళ్ల కారణంగా కొంత విరామం తీసుకుంటారు. తాజాగా ఆలియా కూడా సోషల్ మీడియా బ్రేక్ తీసుకోవాలని నిర్ణయించుకున్నట్టు సమాచారం.
ఇటీవల ఆమె ఇంటర్నేషనల్ స్టేజీల ప్రదర్శనలు, ఫ్యాషన్ లుక్లు సోషల్ మీడియాలో చర్చలకు కారణమయ్యాయి. కొంతమంది నెటిజన్లు ఆమె స్టైల్, ఎంపికలపై విమర్శలు గుప్పించారు, మరికొందరు వ్యక్తిగత వ్యాఖ్యలు చేశారు. ఈ ట్రోలింగ్ ఆమెను లోపల నుంచి ప్రభావితం చేసింది అని సన్నిహిత వర్గాలు చెబుతున్నారు.
ఈ నేపథ్యంతో, ఆలియా కొంతకాలం సోషల్ మీడియాలో దూరంగా ఉండి, తన కెరీర్ పరమైన ప్రాజెక్ట్స్ పై దృష్టి సారించనున్నారు. ముఖ్యంగా డైరెక్టర్ సంజయ్ లీలా భన్సాలీ తెరకెక్కిస్తున్న ‘లవ్ అండ్ వార్’ సినిమాలో ఆమె పూర్తి ఫోకస్ పెట్టనున్నారు. ఇందులో ఆమె తన భర్త రణ్బీర్ కపూర్ తో నటించనున్నారు. సినిమా రిలీజ్ సమయంలో మాత్రమే ప్రమోషన్ల కోసం మళ్లీ సోషల్ మీడియాలో రాబోతారని సమాచారం.
అలాగే, పబ్లిక్ అపియరెన్సులు, ఈవెంట్లు, అవార్డు ఫంక్షన్లకు కూడా విరామం ఇవ్వాలని నిర్ణయించారని సన్నిహిత వర్గాలు పేర్కొన్నారు. కుటుంబంతో, ముఖ్యంగా తన కూతుర్తో ఎక్కువ సమయం గడపాలనేది మరో కారణంగా సూచించారు.
సినీ విశ్లేషకులు చెబుతున్నట్టే, సోషల్ మీడియా ఫ్యాన్స్ తో డైరెక్ట్ అనుసంధానం కల్పిస్తూనే, విమర్శలు, అపోహలు, అసత్య ప్రచారాలకు కూడా దారితీస్తుంది. ఇలాంటి పరిస్థితుల్లో మానసిక ప్రశాంతత కోసం విరామం తీసుకోవడం సహజమే.
ఈ విరామం తాత్కాలికమా లేక దీర్ఘకాలికమా అన్నది ఇంకా స్పష్టత రాలేదు, కానీ ఆమె ఫ్యాన్స్ నిరంతరం తన అప్డేట్స్ కోసం ఎదురుచూస్తున్నారు. ఆలియా భట్ తన టాలెంట్, సినిమాల ఎంపికలతో విరామం అనంతరం మరింత ఉత్సాహంతో తిరిగి వస్తారని అభిమానులు నమ్ముతున్నారు.
Recent Random Post:
