ఓర్రీ జాబ్ ఏంటి? జ‌వాబు లేక‌ నోరెళ్ల‌బెట్టిన భామ‌లు!

కాఫీ విత్ కరణ్ షో ఎన్నో కొత్త విష‌యాల‌ను ఆవిష్క‌రిస్తోంది. సీజ‌న్ 8ని ర‌స‌వ‌త్త‌రంగా న‌డిపించ‌డంలో క‌ర‌ణ్ జోహార్ త‌న‌దైన చాణక్యం ప్ర‌ద‌ర్శిస్తున్నాడు. ఇప్పుడు ఇండ‌స్ట్రీ బెస్ట్ ఫ్రెండ్స్ సారాఅలీఖాన్- అన‌న్య పాండే ఈ షోకి వ‌చ్చారు. ఆ ఇద్ద‌రూ త‌మ స్నేహాలు, రిలేష‌న్ షిప్స్ పై ఈ షోలో చాలా ఓపెన‌య్యారు. సారా అలీఖాన్ తాను కార్తీక్ ఆర్య‌న్ తో డేటింగ్ చేసి బ్రేక‌ప్ అయిన‌ట్టు తెలిపింది. అలాగే అన‌న్య పాండే ఆదిత్యారాయ్ క‌పూర్ తో ప్రేమ‌లో ఉన్న విష‌యాన్ని అంగీక‌రించింది. అంతేకాదు ఆ ఇద్ద‌రూ త‌మ స్నేహితుడు ఓర్హాన్ అవ్ర‌త‌మ‌ణి గురించి ఒక ప్ర‌శ్న‌ను ఎదుర్కొని దానికి జ‌వాబివ్వ‌లేక త‌డ‌బ‌డ్డారు.

ఓర్హాన్ అవత్రమణి అకా ఓర్రీ చాలా మంది బాలీవుడ్ ప్రముఖులకు స‌న్నిహితుడు. పార్టీలు, సినిమా ఫంక్ష‌న్ల‌లో స్టార్ల‌తో క‌లిసి క‌నిపిస్తుంటాడు. అతడు బాలీవుడ్‌లోని దాదాపు అందరు పాపుల‌ర్ వ్యక్తులతో వ‌రుస ఫోటోషూట్ల‌కు స‌హ‌క‌రించి చాలా పాపుల‌ర‌య్యాడు. నేటిత‌రం జెన్ జెడ్ స్టార్ కిడ్స్ అంద‌రికీ అత‌డు అత్యంత స‌న్నిహితుడు. సీనియ‌ర్ల‌లో మలైకా, క‌త్రిన, దీపిక వంటి వారు అత‌డికి స‌న్నిహితులు. చాలా సంద‌ర్భాల్లో ఓర్రీ వారితో పోజులిచ్చాడు. అత‌డు ఉన్న‌ట్టుండి ఎక్క‌డి నుంచి వ‌చ్చాడు? అంటూ బాలీవుడ్ నుంచి టాలీవుడ్ వ‌ర‌కూ ఆరాలు సీరియ‌స్ గా సాగుతున్నాయి.

అన్న‌ట్టు ఇదే ప్ర‌శ్న‌ను ఇద్ద‌రు మిత్రులైన సారా-అనన్య‌ల‌ను అడిగితే.. అదే చేసాడు క‌ర‌ణ్ జోహార్. ఓర్రీ ఏమి చేస్తాడు? అని ప్ర‌శ్నించ‌గా అతడి ప్రాణ స్నేహితులు సారా అలీ ఖాన్ – అనన్య పాండే దానికి స‌రైన సమాధానం ఇవ్వలేకపోయారు. అయితే కుర్ర‌బ్యూటీ అనన్య పాండే చిలిపిగా కొన్ని జ‌వాబులిచ్చింది. ఓర్రీ వృత్తి ఏమిటని కరణ్ ప్ర‌శ్నించ‌గా, అనన్య పాండే వ్యాఖ్యానిస్తూ..అతడు చాలా చేస్తాడు. తనంతట తానుగా పనిచేస్తాడు! అని తెలిపింది. ”ప్రేమ‌ను అందుకున్నాడు..కానీ తప్పుగా అర్థం చేసుకున్నాడు” ..”అతడు అలానే ముందుకు వెళ్తాడని నేను అనుకుంటున్నాను” అని కూడా అన‌న్య అంది. ఇంతలో సారా మాట్లాడుతూ.. అతడు నిజంగా ఫన్నీ ప‌ర్స‌న్‌ అని చెప్పింది. అత‌డు చేసే పనేంటో నువ్వు ఇంకా సమాధానం చెప్పలేదు! అంటూ క‌ర‌ణ్ న‌వ్వేసాడు. ఈ ఎపిసోడ్ అనంత‌రం త‌మ ఉత్త‌మ స్నేహితుడు ఏం చేస్తాడో చెప్ప‌లేని స‌న్నివేశంలో సారా – అనన్య ట్రోల‌ర్స్ భారిన ప‌డ్డారు.

ఓర్రీ జాబ్ ఏంటో తెలుసా?

భారతదేశంలోని టాప్ సెల‌బ్రిటీలు, స్టార్ కిడ్స్‌తో రెగ్యుల‌ర్ గా పార్టీల్లో క‌నిపించే ఒర్రీ అలియాస్ అవ్ర‌త‌మ‌ణి ఏం చేస్తాడు? అంటే దానికి లింక్ డ్ ఇన్ లో స‌మాధానం ల‌భించింది. అత‌డు బిలియనీర్ ముఖేష్ అంబానీ, అత‌డి కుటుంబంతో సన్నిహిత సంబంధాన్ని క‌లిగి ఉన్నాడు. ఓర్హాన్ అవత్రామణి లింక్డ్‌ఇన్ ప్రొఫైల్ ప‌రిశీలిస్తే.. అతను రిలయన్స్ ఇండస్ట్రీస్ లిమిటెడ్‌లోని చైర్మన్ కార్యాలయంలో స్పెషల్ ప్రాజెక్ట్ మేనేజర్‌గా పనిచేస్తున్నట్లు వెల్లడైంది. అతడు న్యూయార్క్‌లోని పార్సన్స్ స్కూల్ ఆఫ్ డిజైన్ నుండి పొందిన ఫైన్ ఆర్ట్స్ అండ్ కమ్యూనికేషన్ డిజైన్‌లో బ్యాచిలర్ డిగ్రీ పూర్తి చేసాడు. ఒక ఇంటర్వ్యూలో అత‌డి నికార్స‌యిన‌ వృత్తి గురించి అడిగినప్పుడు అత‌డు ఇచ్చిన స‌మాధానం ఆశ్చ‌ర్య‌పరిచింది. ”నేను గాయకుడిని, పాటల రచయితని, ఫ్యాషన్ డిజైనర్‌ని, క్రియేటివ్ డైరెక్టర్‌ని, స్టైలిస్ట్, ఎగ్జిక్యూటివ్ అసిస్టెంట్, షాపర్ .. కొన్నిసార్లు ఫుట్‌బాల్ ప్లేయర్‌ని. కలలు కనడమే జీవితం అని నేను భావిస్తున్నాను” అని తెలిపాడు.

చిత్ర పరిశ్రమలో తన స్నేహాల గురించి మాట్లాడుతూ.. తన తోటివారికి మాత్రమే స్నేహితుడిని అని ఒర్రీ పేర్కొన్నాడు, ”మాది ఒకే వయస్సు.. మేమంతా ఒకే సమయంలో పాఠశాలకు, కళాశాలకు వెళ్లేవాళ్లం. నేను ఇండస్ట్రీ స్నేహితులుగా భావించే.. పరిశ్రమలో మాత్రమే కలుసుకున్న భూమి పెడ్నేకర్ వంటి కొంతమంది మాత్రమే స్నేహితులు” అని తెలిపాడు. 2 ఆగస్ట్ 1999న ముంబై వ్యాపార‌వేత్త‌ జోర్జ్ అవత్రమణి- షెహనాజ్ అవత్రమణి దంపతులకు జన్మించిన ఓర్రీ నికర ఆస్తుల‌ విలువ రూ. 2 కోట్ల నుండి రూ. 8 కోట్ల వరకు ఉంటుందని అంచనా. అతనికి కబీర్ అనే సోదరుడు ఉన్నాడు. అతడు రిల‌యన్స్ సంస్థ‌ల‌తో పాటు, సోలిస్ హెల్త్‌లో PR హెడ్‌గా పనిచేస్తున్నాడు. ల‌క్ష‌ల్లో సంపాదిస్తున్నాడు. కానీ వంద‌ల కోట్ల ఆస్తులున్న న‌ట‌వార‌సురాళ్ల‌కు అత‌డు అత్యంత స‌న్నిహితంగా మెలుగుతున్నాడు. అత‌డికి 8కోట్ల లోపు ఆస్తులు ఉన్నాయ‌ని స‌మాచారం.