సినిమా ఇండస్ట్రీలో స్టార్గా నిలదొక్కుకోవాలంటే టాలెంట్తో పాటు సరైన టైమింగ్, అదృష్టం కూడా అవసరమే. పెద్ద ఫ్యామిలీ బ్యాక్గ్రౌండ్ ఉన్నవారికి అవకాశాలు సులభంగా దొరకొచ్చు. కానీ నిలబడటానికి మాత్రం ప్రతిభే ప్రధాన ఆయుధం. టాలీవుడ్లో ఇదే వాస్తవాన్ని మరోసారి గుర్తుచేసిన ఉదాహరణగా నిలుస్తున్నాడు యంగ్ హీరో సంతోష్ శోభన్.
పాన్ ఇండియా స్టార్ ప్రభాస్కు ‘వర్షం’ సినిమాతో కమర్షియల్ బ్రేక్ ఇచ్చిన దర్శకుడు శోభన్ కుమారుడే సంతోష్ శోభన్. తండ్రి పేరు ఉన్నా, హీరోగా తనకంటూ ప్రత్యేక గుర్తింపు తెచ్చుకోవడానికి సంతోష్ ఎన్నో ప్రయత్నాలు చేశాడు. ఈ క్రమంలో ప్రభాస్ కూడా అతనికి అండగా నిలిచాడు. తనవంతు ప్రోత్సాహం, సహాయం అందిస్తూ సంతోష్ కెరీర్కు బలంగా నిలిచాడు. ఇప్పుడు ఆ కృషికి ఫలితం దక్కినట్టే కనిపిస్తోంది.
సంతోష్ శోభన్ నటించిన తాజా చిత్రం ‘కపుల్ ఫ్రెండ్లీ’. అశ్విన్ చంద్రశేఖర్ దర్శకత్వంలో, మానస వారణాసి హీరోయిన్గా తెరకెక్కిన ఈ రొమాంటిక్ లవ్ డ్రామా వాలెంటైన్స్ డే సందర్భంగా విడుదలైంది. ఫస్ట్ షో నుంచే పాజిటివ్ టాక్ సంపాదించుకున్న ఈ చిత్రం సంతోష్కు చాలా రోజుల తర్వాత మంచి విజయాన్ని అందించింది. దీంతో ప్రభాస్ ఆనందం వ్యక్తం చేస్తూ చిత్రబృందానికి అభినందనలు తెలియజేయడం ప్రత్యేకంగా నిలిచింది.
ఈ సందర్భంగా సంతోష్ శోభన్ తన భావోద్వేగాన్ని పంచుకున్నారు. సాధారణంగా వ్యక్తిగత విషయాలు బయట పెట్టడంలో ఇబ్బంది పడతానని చెప్పిన ఆయన, “ప్రభాస్ అన్న సినిమా చూశారు… ఆయనకు బాగా నచ్చింది. ఆయన నుంచి ‘కంగ్రాట్యూలేషన్స్’ అని వినడం నా జీవితంలో పెద్ద హై మూవ్మెంట్. ఆ మాట విన్న తర్వాత నేను గెలిచేశాననే ఫీలింగ్ వచ్చింది డార్లింగ్” అంటూ తన ఆనందాన్ని వ్యక్తం చేశారు. ఆయన మాటల్లో కనిపించిన నిజాయితీ అభిమానులను ఆకట్టుకుంది.
గత కొంతకాలంగా సరైన హిట్ కోసం ఎదురుచూస్తున్న సంతోష్ శోభన్, వరుసగా వివిధ బ్యానర్లలో సినిమాలు చేశాడు. యువీ కాన్సెప్ట్స్, గోల్డ్ బాక్స్ ఎంటర్టైన్మెంట్స్, స్వప్న సినిమా వంటి ప్రముఖ నిర్మాణ సంస్థలతో పనిచేసినా ఆశించిన ఫలితం రాలేదు. కానీ ఇప్పుడు ‘కపుల్ ఫ్రెండ్లీ’తో ఆయనకు సరైన బ్రేక్ దక్కినట్టే కనిపిస్తోంది.
ఈ విజయంతో సంతోష్ శోభన్ కెరీర్ కొత్త దిశలో అడుగులు వేస్తుందా? ప్రభాస్ ఆశీర్వాదం, ప్రేక్షకుల మద్దతు కలిసివస్తే ఇకపై ఆయనకు సక్సెస్ పంథా సాఫీగా మారే అవకాశాలు ఉన్నాయి.
Recent Random Post:
