కేసీఆర్ కుమార్తె, ఎమ్మెల్సీ కవిత రాసిన సంచలన లేఖ రాజకీయ వర్గాల్లో సంచలనం సృష్టించింది. ఈ లేఖ బయటికి రావడం కారణంగా బీఆర్ఎస్ పార్టీపై తీవ్ర చర్చలు జరుగుతున్నాయి. ఈ నేపథ్యంలో కవిత శుక్రవారం రాత్రి స్పందిస్తూ, ఆ లేఖ తాను రాసినదే అని నిర్ధారించారు. అయితే, కొందరు కోవర్ట్ కారణంగానే అది బయటికి వచ్చింది అని అభిప్రాయపడ్డారు. కేసీఆర్ను దేవుడిలా చూసేందుకు పోల్చి, ఆయన చుట్టూ దయ్యాలు ఉన్నాయని వ్యాఖ్యానించారు.
ఈ వ్యవహారంపై కవిత సోదరుడు, మాజీ మంత్రి కేటీఆర్ స్పందిస్తూ, లేఖ రాయడం తప్పేమీ లేదని అన్నారు. కానీ అంతర్గత విషయాలను బయటకు తేవడమే సరైనదా? అని ప్రశ్నించారు. బీఆర్ఎస్లో అంతర్గత ప్రజాస్వామ్యం ఉంది, అందుకే పార్టీ అధ్యక్షుడికి ఎవరైనా లేఖలు రాయడం సాధ్యమేనని, దీనిని తాము తప్పుడు పనిగా చూడలేదని చెప్పారు. కానీ కొన్ని అంశాలు అంతర్గతంగానే చర్చించడం బెటర్ అనేది పార్టీ నియమావళి అని పేర్కొన్నారు.
కోవర్ట్ల విషయానికి వచ్చేసరికి, అన్ని పార్టీలలో కోవర్టులు ఉన్నారని, సమయం వచ్చినప్పుడు వారే బయటకు వస్తారన్న విషయాన్ని కేటీఆర్ గుర్తుచేశారు. కవిత రాసిన లేఖను తాను రాజకీయ కోణం కాకుండా సూచనలు, సలహాల రూపంలోనే చూస్తున్నట్లు చెప్పారు. అయితే వ్యక్తిగత విషయాలను పబ్లిక్ చేయడం ఎవరికీ తగదు అని చెప్పారు. ఏదైనా సమస్య ఉంటే కేసీఆర్ను ఫ్రీలిగా సంప్రదించవచ్చని సూచించారు. పార్టీలైన్ కవిత దాటిందా? అనే మీడియా ప్రశ్నలకు సమాధానం ఇవ్వకపోయి, ఆ విషయంలో పార్టీ అధినేత తగిన చర్యలు తీసుకుంటారని తెలిపారు.
Recent Random Post:
