దుల్కర్ సల్మాన్ హీరోగా, సెల్వమణి సెల్వరాజ్ దర్శకత్వంలో రూపొందుతున్న ప్రతిష్టాత్మక చిత్రం ‘కాంత’ ఇప్పటికే ఫస్ట్ లుక్ తో ప్రేక్షకుల మనసు దోచేసింది. 1950 నాటి స్టైల్ లో దుల్కర్ అందంగా, వైవిధ్యంగా కనిపించిన ఆ ఫస్ట్ లుక్కి ప్రేక్షకుల నుంచి భారీ స్పందన వచ్చింది. అప్పటి నుంచే ఈ సినిమాపై ఆసక్తి మరింతగా పెరిగింది.
ఈ చిత్రాన్ని రానా దగ్గుబాటి, దుల్కర్ సల్మాన్ కలిసి ఎంతో ప్రతిష్టాత్మకంగా నిర్మిస్తున్నారు. ప్రేక్షకుల్లో హైప్ను పెంచేందుకు చిత్రబృందం తరచూ కాంత సినిమాకు సంబంధించిన అప్డేట్లు విడుదల చేస్తూ సినిమాపై ఆసక్తిని కొనసాగిస్తోంది.
ఇప్పుడిలా, తాజాగా ఈ సినిమాలో కథానాయికగా నటిస్తున్న భాగ్యశ్రీ బోర్సే లుక్ను విడుదల చేశారు. ఇది ఆమె పుట్టినరోజు సందర్భంగా స్పెషల్ బర్త్డే విషెస్ గా మేకర్స్ ఈ పోస్టర్ను విడుదల చేశారు. 1950ల నాటి తెలుగు అమ్మాయి గెటప్లో భాగ్యశ్రీ చీరకట్టు, గాజులు, బొట్టు లాంటి సంప్రదాయ హంగులతో అద్భుతంగా మెరిసింది. ఈ లుక్కి నెటిజన్లు, సినీ ప్రేక్షకుల నుంచి మంచి స్పందన లభిస్తోంది.
పాన్ ఇండియా స్థాయిలో తెరకెక్కుతున్న కాంత చిత్రం తెలుగు, తమిళం, కన్నడ, మలయాళ భాషల్లో విడుదల కానుంది. ప్రతి అప్డేట్తో సినిమాపై బజ్ మరింతగా పెరుగుతోంది.
Recent Random Post:
