మెగాస్టార్ Chiranjeevi ను ఓ మాస్ అభిమాని డైరెక్ట్ చేస్తే ఎలా ఉంటుందో ప్రేక్షకులు ఇప్పటికే చూశారు. దర్శకుడు Bobby Kolli (బాబీ) తెరకెక్కించిన Waltair Veerayya ఆ అనుభూతినే మళ్లీ గుర్తు చేసింది. ఆ సినిమా ఎంతటి ఘన విజయం సాధించిందో తెలిసిందే. మెగాస్టార్పై ఉన్న అభిమానాన్ని బాబీ తెరపై అద్భుతంగా ఆవిష్కరించాడు.
దాదాపు మూడు దశాబ్దాల తర్వాత చిరంజీవిలోని అసలైన ఊర మాస్ను ప్రేక్షకులు మళ్లీ చూశారు. 1993లో వచ్చిన Mutha Mestri తర్వాత ఆ స్థాయి మాస్ క్యారెక్టర్ను మెగాస్టార్ పెద్దగా ప్రయత్నించలేదు. ‘ముఠామేస్త్రి’కి దగ్గరగా ఉండే క్యారెక్టర్ టోన్ ‘వాల్తేరు వీరయ్య’లో కనిపించిందని అభిమానులు భావించారు. 1993 నుంచి 2023 మధ్య చిరంజీవి కొన్ని మాస్ పాత్రల్లో కనిపించినా, ‘వీరయ్య’ స్థాయి స్పందన మాత్రం రాలేదు.
ఈ విజయాన్ని దృష్టిలో పెట్టుకుని ఇదే కాంబినేషన్లో మెగాస్టార్ 158వ చిత్రం లాక్ కావడం విశేషం. ‘వాల్తేరు వీరయ్య’ సక్సెస్తో పాటు బాబీ గత చిత్రాల ట్రాక్ రికార్డ్ను పరిశీలించిన చిరంజీవి మరోసారి అతనికి అవకాశం ఇచ్చారు. బాబీ కెరీర్లో ఒకే ఒక్క ఫ్లాప్ తప్ప మిగతా సినిమాలు మంచి ఫలితాలే సాధించాయి.
మాస్ కంటెంట్ను పర్ఫెక్ట్గా హ్యాండిల్ చేయగల దర్శకుడిగా బాబీ పేరు తెచ్చుకున్నాడు. హీరోను ఎలివేట్ చేయడంలో, అలాగే బ్యాలెన్స్గా చూపించడంలో అతనికి ప్రత్యేక నైపుణ్యం ఉంది. అదే నమ్మకంతో మెగాస్టార్ మరో ఆలోచన లేకుండా ఈ ప్రాజెక్ట్కు గ్రీన్ సిగ్నల్ ఇచ్చినట్లు తెలుస్తోంది.
ఇటీవల Mana Shankara Vara Prasad Garu సినిమాతో చిరంజీవి ఖాతాలో మరో విజయం చేరింది. ఈ చిత్రంలో క్లాస్తో పాటు మాస్ ఎలిమెంట్స్ను సమతుల్యంగా చూపించారు. ముఖ్యంగా మాస్ ఆడియన్స్కు ఈ సినిమా బాగా కనెక్ట్ అయింది.
ఈ నేపథ్యంలో మెగాస్టార్ 158వ చిత్రం ఏ జానర్లో ఉండబోతోందన్న ఆసక్తి అభిమానుల్లో పెరిగింది. మళ్లీ పూర్తి స్థాయి ఊర మాస్ ఎంటర్టైనర్తో వస్తారా? లేక క్లాస్-మాస్ మిక్స్తో కొత్త ప్రయోగం చేస్తారా? లేదా స్టైలిష్ యాక్షన్ డ్రామా తీస్తారా? అనే చర్చలు సాగుతున్నాయి.
సాధారణంగా ప్రతి దర్శకుడికి ఓ ప్రత్యేక ప్లేవర్ ఉంటుంది. ఆ శైలిని దాటి కొత్తగా ప్రయత్నించడం అంత సులభం కాదు. బాబీ తన మాస్ స్టైల్కు కట్టుబడి ఉంటాడా? లేక మెగాస్టార్ కోసం తన శైలిలో మార్పులు చేసి కొత్త కోణంలో ‘బాస్’ను చూపిస్తాడా? అన్నది చూడాలి.
Recent Random Post:
