తమిళ స్టార్ హీరో విజయ్ తన రాజకీయ ప్రస్థానాన్ని వేగంగా ముందుకు తీసుకెళ్తున్నారు. ‘తమిళగ వెట్రి కలగం’ అనే పార్టీని స్థాపించి, 2026లో జరగనున్న తమిళనాడు అసెంబ్లీ ఎన్నికల్లో పోటీ చేయనున్నట్టు ప్రకటించారు. రాజకీయ అరంగేట్రానికి సంబంధించి ప్రజా సమస్యలపై స్పష్టమైన అభిప్రాయాలు వ్యక్తం చేస్తూ, తన వ్యూహాలను బలపరుస్తున్న విజయ్కు తాజాగా కేంద్ర హోం శాఖ కీలక భద్రతా చర్యలు తీసుకుంది.
కేంద్రం నుంచి వచ్చిన తాజా ఉత్తర్వుల ప్రకారం, విజయ్కు Y+ కేటగిరీ భద్రత కల్పించాలని నిర్ణయించింది. ఆయనకు పొంచి ఉన్న భద్రతా ప్రమాదాలను దృష్టిలో పెట్టుకుని ఈ రక్షణను అమలు చేయాలని నిర్ణయించారు. Y+ కేటగిరీ భద్రత దేశంలో నాలుగో అత్యున్నత స్థాయి భద్రతగా భావించబడుతుంది. భారతదేశంలో భద్రతా విధానాలను ప్రధానంగా నాలుగు స్థాయిలుగా విభజిస్తారు. SPG భద్రత ప్రధాని, రాష్ట్రపతి, ముఖ్యమంత్రులు, గవర్నర్లకు అత్యున్నత స్థాయిలో కల్పించబడే భద్రత. Z+ భద్రత మాజీ ప్రధాని, మాజీ రాష్ట్రపతి, దేశవ్యాప్తంగా తీవ్ర ముప్పు ఉన్న ప్రముఖులకు అందిస్తారు. Z భద్రత ప్రముఖ రాజకీయ నాయకులు, పారిశ్రామిక వేత్తలకు కల్పించబడుతుంది. Y+ భద్రత నాలుగో అత్యున్నత స్థాయి భద్రతగా ఉంటూ, ఇందులో 11 మంది భద్రతా సిబ్బంది ఉంటారు, అందులో నలుగురు కమాండోలు, మిగిలినవారు పోలీస్ అధికారులు.
ఈ భద్రత ఇప్పటికే బాలీవుడ్ నటులు సల్మాన్ ఖాన్, కంగనా రనౌత్, షారుఖ్ ఖాన్ వంటి వారికీ కల్పించబడింది. విజయ్కు ఈ భద్రత మంజూరు కావడం రాజకీయంగా గమనార్హం. దీనికి నెలకు సుమారు ₹15 లక్షల వరకు ఖర్చు అవుతుందని అంచనా. తమిళ రాజకీయాల్లో విజయ్ దూకుడుగా ముందుకు సాగుతుండటంతో భవిష్యత్తులో మరిన్ని రాజకీయ పరిణామాలు ఎలా మారుతాయో చూడాలి.
Recent Random Post:
