కమల్ హాసన్, మణిరత్నం కాంబినేషన్లో మూడు దశాబ్దాల తర్వాత రూపొందుతున్న సినిమా ‘థగ్ లైఫ్’ ప్రకటణతో పెద్ద ఎత్తున అంచనాలు ఏర్పడ్డాయి. కమల్ పాత్రపై విడుదలైన గ్లింప్స్ అభిమానుల్లో భారీ ఉత్సాహాన్ని సృష్టించాయి. ‘నాయకుడు’ తరువాత వీరి కాంబినేషన్ మరో పెద్ద హిట్ ఇవ్వబోతుందని అందరిలో సందేహం లేదు. అయితే షూటింగ్ మొదలైన తర్వాత సినిమా గురించి అప్డేట్స్ లేకుండా ఉండటంతో ఆ అంచనాలు కొంతసేపు తగ్గాయి.
చిత్రీకరణ పూర్తైన తర్వాత కూడా విడుదల తేదీ, ప్రమోషన్స్ లో స్పష్టత లేకపోవడం వలన బజ్ తగ్గింది. కానీ ఒక్క ట్రైలర్ విడుదలతో ‘థగ్ లైఫ్’పై ప్రేక్షకుల ఆసక్తి తిరిగి పుంజుకుంది. ఈ ట్రైలర్ రెయర్ కాంబినేషన్ ఏలా ఉంటుందో స్పష్టం చేసింది. కమల్ పాత్రలో ఉన్న భావోద్వేగాలు, కమల్ – శింబు మధ్య ఉన్న ఘర్షణ వాతావరణం బాగా ప్రతిబింబించింది. నాజర్, జోజు జార్జ్ వంటి సహాయ నటులు కూడా తమ పాత్రలతో మెప్పించారు.
గ్యాంగ్ స్టర్ డ్రామాగా రూపొందిన ఈ సినిమాలో ఎమోషనల్ ఎలిమెంట్స్ కూడా ప్రధాన హైలైట్. అదీ కాకుండా కమల్-అభిరామి మధ్య లిప్లాక్ సన్నివేశం భారీ సంచలనం సృష్టించింది. విమర్శలు వచ్చినా అవి సినిమాకు భారీ పబ్లిసిటీ ఇచ్చాయి. కమల్ అభిమానుల తీవ్ర స్పందన కూడా బజ్ను పెంచింది.
ఈ అన్ని అంశాల కారణంగా ‘థగ్ లైఫ్’ మళ్లీ ట్రెండింగ్లోకి వచ్చి అంచనాలు పెరిగాయి. ఈ సినిమా జూన్ 5న విడుదలకానుంది. మార్కెట్ లో పెద్ద పోటీ లేకపోవడం వలన భారీ ఓపెనింగ్స్ రావడం ఖాయం. ప్రస్తుతం పాజిటివ్ టాక్ వస్తూ వసూళ్ల పరంగా మంచి పరిణామాలు ఎదురవుతున్నాయి.
Recent Random Post:
