తెలుగు ప్రేక్షకులకు కార్తీ పేరు చెబితే వెంటనే గుర్తొచ్చే సినిమా ఖైదీ. అంచనాలు లేకుండా వచ్చిన ఈ చిత్రం ఊహించని స్థాయిలో విజయం సాధించి, టాలీవుడ్లో కార్తీకి బలమైన మార్కెట్ను ఏర్పరిచింది. ఆ తర్వాత నా పేరు శివ, ఊపిరి లాంటి హిట్స్ తో తన స్థాయిని మరింత పెంచుకున్నాడు. మధ్యలో కొన్ని ఫ్లాపులు వచ్చినా, కార్తీకి ఉన్న ప్రత్యేకమైన ఫాలోయింగ్ ఎప్పటికీ తగ్గలేదు.
ఇప్పుడు హిట్ 3 తో తిరిగి మాస్లోకి వచ్చాడు. ఈ సినిమాలో కార్తీ పోషించిన ACP రత్నవేల్ పాండియన్ పాత్ర ప్రేక్షకులను బాగా ఆకట్టుకుంది. ఇందులోని వీరప్పన్ షేడ్స్ కూడాక క్యూరియాసిటీ పెంచాయి. రిలీజ్కు ముందే లీకైన ఈ డీటెయిల్స్ థియేటర్లో ప్రేక్షకులను మరింత ఎంజాయ్ చేయించాయి.
ఇక అసలు విషయం ఏంటంటే, కార్తీ రాబోయే రోజుల్లో వరుసగా మూడుసార్లు ఖాకీ డ్రెస్లో కనిపించబోతున్నాడు.
వావా వతియర్ – ఎప్పటి నుంచో షూటింగ్లో ఉన్న ఈ యాక్షన్ ఎంటర్టైనర్ ప్రస్తుతం పోస్ట్ ప్రొడక్షన్ స్టేజ్లో ఉంది. టైటిల్ ఇంకా ఫైనల్ కాలేదు కానీ త్వరలోనే విడుదలకు రెడీ అవుతోంది.
సర్దార్ 2 – ఈ సీక్వెల్లో కార్తీ డ్యూయల్ రోల్ చేస్తున్నాడు. ఇందులో కొడుకు పాత్ర పోలీస్ ఆఫీసర్.
హిట్ 4: ది ఫోర్త్ కేస్ – ఇందులో కార్తీ మరోసారి ACP రత్నవేల్ పాండియన్ గా తిరిగొస్తాడు.
ఇలాంటివి వరుసగా చేస్తున్న హీరోలలో తెలుగు, తమిళ భాషల్లో కార్తీ ఒక్కడే! ఇది ఆయన కెరీర్కు ఓ ప్రత్యేక గుర్తింపు.
అయితే హిట్ 4 కి ఇంకా టైం పడుతుంది. డైరెక్టర్ శైలేష్ కొలను ప్రస్తుతం స్క్రిప్ట్ వర్క్లో బిజీగా ఉన్నాడు. అప్పటివరకూ వావా వతియర్ మరియు సర్దార్ 2 విడుదలవుతాయి. ఖైదీ 2 కూడా లోకేష్ కనగరాజ్ డైరెక్షన్లో ప్లాన్లో ఉంది.
ఇవన్నీ ముగిసిన తర్వాతే హిట్ 4 సెట్స్ పైకి వెళ్తుంది. అంతవరకూ శైలేష్ ఒక లైట్ హార్ట్డ్ రొమాంటిక్ మూవీని వేరే హీరోతో చేయాలని చూస్తున్నాడు. కానీ ఏ సినిమా వచ్చినా, కార్తీకి అత్యద్భుతమైన పోలీస్ పాత్రగా గుర్తుండిపోయేది బీహార్ బందిపోట్లను వేటాడే ACP రత్నవేల్ పాండియన్ పాత్రే.
ఇంకొక ఆసక్తికర విషయం ఏంటంటే – కార్తీ గతంలో సిరుతై అనే సినిమాలో చేసిన పోలీస్ పాత్రకు కూడా ఇదే పేరు – రత్నవేల్ పాండియన్. అది విక్రమార్కుడు రీమేక్. ఇప్పుడు హిట్ 4 లో కూడా ఇదే పేరు. కచ్చితంగా ఫాన్స్ కి ఇది ఓ స్పెషల్ కనెక్ట్ అవుతుంది!
Recent Random Post:
