మలయాళం, తమిళ సినిమాల్లో కథానాయికగా తనకంటూ గుర్తింపు తెచ్చుకున్న మాళవిక మోహనన్, ఇప్పుడు తెలుగు చిత్రసీమలో అడుగుపెడుతోంది. మలయాళంలో పట్టం పోల్ (2013) ద్వారా సినీరంగ ప్రవేశం చేసిన మాళవిక, ఆ తర్వాత లెజెండరీ దర్శకుడు మజీద్ మజీది తెరకెక్కించిన బియాండ్ ది క్లౌడ్స్ (2017) చిత్రంతో అంతర్జాతీయ గుర్తింపు తెచ్చుకుంది. రజనీకాంత్తో పెట్టా (2019), విజయ్తో మాస్టర్ (2021) వంటి హిట్ చిత్రాల్లో నటించింది. హిందీలో యుధ్ర అనే సినిమాలో చివరగా కనిపించింది.
ఇప్పుడు ప్రభాస్ హీరోగా తెరకెక్కుతున్న ది రాజా సాబ్ ద్వారా టాలీవుడ్ ఎంట్రీ ఇస్తోంది. ఈ సినిమాలో తన పాత్రపై మాళవిక మోహనన్ ఎంతో ఉత్సాహంగా ఉందని చెబుతోంది. “సినిమా మొత్తం కథానాయికకు మంచి స్కోప్ ఉండేలా సాగుతుంది. నాలోని నటనా ప్రతిభను బయటికి తీసే పాత్ర కావడంతో, నేను వెంటనే ఓకే చెప్పేశాను” అని చెప్పింది.
ప్రభాస్తో నటించడం తనకు ఎప్పటి నుంచో కోరిక అని చెప్పిన మాళవిక, “బాహుబలి తర్వాత ప్రభాస్కి నేను పెద్ద అభిమానిని. ఆయనతో కలిసి పనిచేయడం నా కలల నిజమైనంత” అని తెలిపింది.
ప్రభాస్ సెట్లో ఎలా ఉంటాడో కూడా మాళవిక షేర్ చేసుకుంది. “ఆయన చాలా సపోర్టివ్. అందరితో ఎంతో ప్రేమగా ఉంటారు. మాతో మాట్లాడతారు, మాకు మంచి ఆహారం పంపిస్తారు. బిర్యానీ తినిపిస్తారు! నాతో మాత్రమే కాదు, నా టీమ్ మొత్తానికి కూడా. ఆయన స్వీట్ పర్సన్. అలాగే ఆయన కామిక్ టైమింగ్ అద్భుతం. సెట్లో అందరినీ నవ్విస్తుంటారు” అని చెప్పింది.
ఈ సినిమాకు మారుతి దర్శకత్వం వహిస్తుండగా, 2025 ఏప్రిల్ 10న థియేటర్లలో విడుదల కావాల్సి ఉంది. అయితే షూటింగ్ డిలే కారణంగా కొత్త విడుదల తేదీని త్వరలో ప్రకటించే అవకాశం ఉంది.
Recent Random Post:
