పవర్ స్టార్ పవన్ కళ్యాణ్ నటిస్తున్న ‘ఓజీ’పై అభిమానుల్లో కొత్త ఆందోళనలు తలెత్తుతున్నాయి. 2025లో కూడా సినిమా విడుదల కష్టమవుతుందా? అని అనుమానాలు వ్యక్తమవుతున్నాయి. ఇటీవల కడప పర్యటనలో అభిమానులు ‘ఓజీ’ అంటూ హోరెత్తించడంతో పవన్ అసహనం వ్యక్తం చేసిన విషయం తెలిసిందే. “ఏం మాట్లాడాలో తెలుసుకోకుండా ప్రశ్నించడం అనవసరం” అంటూ ఆయన అభిమానులకు క్లాస్ పీకారు.
ఈ ఘటన తర్వాత, నిర్మాతలు వెంటనే స్పందించారు. అభిమానులకు వేడుకొంటూ, పవన్‌ను ఇబ్బంది పెట్టకండని సూచించారు. అయితే, ‘ఓజీ’ ఈ ఏడాదే విడుదల అవుతుందా అన్న ప్రశ్నకు స్పష్టమైన సమాధానం ఇవ్వకపోవడం, అభిమానుల ఆశలను మరింత నిరాశలోకి నెట్టేసింది.
‘ఓజీ’ షూటింగ్ జనవరి చివరిలో పూర్తి చేయాలని దర్శక నిర్మాతలు భావించినా, ఇప్పటివరకు ప్రగతి తక్కువగా కనిపిస్తోంది. మలేషియా షెడ్యూల్‌ పూర్తయిందా లేదా అన్న విషయమూ అంతుచిక్కడం లేదు. అటు ‘హరిహర వీరమల్లు’ షూటింగ్ ఇంకా పూర్తి కాకపోవడంతో, పవన్‌కు సంబంధించిన ‘ఓజీ’ షూటింగ్ కూడా నిదానంగా సాగుతుందనే టాక్ వినిపిస్తోంది.
అభిమానులు కొత్త ఏడాది సందర్భంగా ఏదైనా అప్డేట్ వస్తుందని ఆశించారు, కానీ నిరాశే మిగిలింది. ‘ఓజీ’ ఒక భారీ యాక్షన్ కథతో వస్తున్నందున, పోస్ట్ ప్రొడక్షన్ పనులు సమయం పట్టే అవకాశముంది. 2025లో విడుదలకు పక్కాగా సిద్ధమవుతుందా లేక మరింత ఆలస్యమవుతుందా అన్నదే ఇప్పుడు అంతరంగా మారింది.
Recent Random Post:
