ఇప్పుడు సినీ ఇండస్ట్రీ పరిస్థితి ఒకప్పుడు లాంటిది కాదు. ఒకప్పుడు సినిమా బావుందా, లేదా, సూపర్హిట్, బ్లాక్బస్టర్, ఫ్లాప్ వంటి పదాలు సాధారణంగా వినిపించేవి. కానీ ఇప్పుడు పరిస్థితి పూర్తిగా మారింది. సినిమాకు ఇప్పుడు ఒకప్పుడు లాంటి లాంగ్ రన్ ఉండదు. లాంగ్ రన్ లేకపోవడం వల్ల, కొన్ని సినిమాలు ప్రారంభంలో బాగానే వెళ్లినా, బాక్సాఫీస్ వద్ద డిజాస్టర్గా మారిపోతున్న సందర్భాలు మామూలు అయ్యాయి.
అయితే, కంటెంట్ నిజంగా బలంగా ఉంటే, ఆ కథ ఆడియెన్స్కు అర్థమయ్యేలా చెప్పబడితే, సినిమా ఎప్పుడూ ఫెయిల్ అవ్వదు. కొన్ని సినిమాల్లో కథ బాగుంటేను, దానిని సరిగ్గా ప్రదర్శించలేకపోయినప్పుడు, ఫ్లాప్ అవ్వడం, నిర్మాతలకు నష్టాలు కలిగించడం అనివార్యం అవుతుంది.
ఇలాంటి పరిస్థితుల్లో, నిర్మాతలు ప్రొడక్షన్ విషయంలో ఎలాంటి జాగ్రత్తలు తీసుకోవాలో అడిగితే, బన్నీ వాసు చెప్పిన సమాధానం అందరినీ ఆలోచింపచేస్తుంది. రీసెంట్గా జరిగిన ఒక సినీ కార్యక్రమానికి గెస్ట్గా హాజరైన బన్నీ వాసు, మీడియా ప్రశ్నలకు సమాధానాలిచ్చారు. ఆయన చెప్పినట్టు, “మినిమం సేఫ్ అనే మాటను మనం మర్చిపోతున్నాం. వెనుకపడి సినిమాలు చేస్తే డబ్బులు పోతాయి, మన పేరు, మన బ్యానర్ను ఆడియెన్స్ మర్చిపోతుంది. ఇప్పుడు రెండు మాత్రమే ఉన్నాయి: డిజాస్టర్ లేదా సూపర్హిట్. సూపర్హిట్ అయితేనే డబ్బులు మిగులుతాయి; డిజాస్టర్ అయితే, పోస్టర్ డబ్బులు కూడా రాకపోవచ్చు. పెద్ద సినిమాలకైనా, చిన్న సినిమాలకైనా ఇదే పరిస్థితి.”
బన్నీ వాసు చెప్పిన ఈ మాటలు స్వీయ అనుభవంపై ఆధారపడి ఉన్నాయా, లేక ఎవరినైనా ఉద్దేశించి చెప్పినవి అన్నది ఆయనకే తెలుసు.
Recent Random Post:
