గత ఏడాది కోర్ట్ సినిమాతో ప్రేక్షకుల మనసులు గెలుచుకున్న హిట్ జోడీ రోషన్ – శ్రీదేవి, ఇప్పుడు ‘బ్యాండు మేళం’తో మరోసారి వెండితెరపై సందడి చేయడానికి సిద్ధమవుతున్నారు. ప్రేమికుల రోజు సందర్భంగా విడుదలైన ఈ చిత్ర ఎమోషనల్ గ్లింప్స్ ఇప్పటికే యూత్ను బాగా ఆకట్టుకుంటోంది. ప్రేమ, బ్రేకప్, భావోద్వేగాలతో నిండిన ఈ టీజర్కు మంచి స్పందన లభిస్తోంది. అయితే ఈ ఈవెంట్లో సినిమాకంటే ఎక్కువగా చర్చనీయాంశమైనది దర్శకుడు బాబీ చెప్పిన తన లవ్ స్టోరీ గురించిన సరదా వ్యాఖ్యలే.
శ్రీదేవి – రోషన్ కాంబినేషన్పై మొదటి సినిమాతోనే మంచి అంచనాలు ఏర్పడ్డాయి. గతంలో ఆంధ్ర ప్రాంత నేపథ్యంతో వచ్చిన కథతో ఆకట్టుకున్న ఈ జంట, ఈసారి తెలంగాణ బ్యాక్డ్రాప్లో ప్రేక్షకులను అలరించబోతోంది. గ్లింప్స్లో హీరో బ్రేకప్ బాధతో కనిపించే సన్నివేశాలు హృదయాన్ని హత్తుకునేలా ఉన్నాయి. సతీష్ జవ్వాజి దర్శకత్వంలో తెరకెక్కుతున్న ఈ చిత్రానికి విజయ్ బుల్గానిన్ అందించిన సంగీతం ప్రత్యేక ఆకర్షణగా నిలుస్తోంది. వచ్చే నెల 13న విడుదలకు సిద్ధమవుతున్న ఈ సినిమా, ఈ హిట్ జోడీకి వరుసగా రెండో విజయాన్ని అందిస్తుందా అన్నది ఆసక్తికరంగా మారింది.
ఇక గ్లింప్స్ లాంచ్ కార్యక్రమానికి ముఖ్య అతిథిగా విచ్చేసిన స్టార్ డైరెక్టర్ బాబీ తనదైన మాస్ స్టైల్లో అందరినీ అలరించారు. యాంకర్ అడిగిన “మీ లవ్ స్టోరీ ఏంటి?” అన్న ప్రశ్నకు ఆయన నవ్విస్తూ స్పందించారు. “నా మొదటి లవ్ మా అమ్మ… తర్వాత ఆమెనే పెళ్లి చేసుకున్నాను” అని చెప్పి అందరినీ నవ్వుల్లో ముంచేశారు. “మీ ఆవిడను ఎలా లవ్లో పడేశారు?” అని అడిగితే, “బైక్పై యాక్సిలేటర్ బాగా ఇచ్చి, గట్టిగా హార్న్ కొట్టి పడేశా” అని చెప్పడంతో ఆడిటోరియం కేరింతలతో మార్మోగింది. ప్రస్తుతం అగ్ర హీరోలతో భారీ ప్రాజెక్టులు చేస్తూ బిజీగా ఉన్న బాబీ, ఇలాంటి సరదా వ్యాఖ్యలతో తనలోని మాస్ యాంగిల్ను మరోసారి చూపించారు.
డైరెక్టర్ బాబీ తనకంటూ ప్రత్యేకమైన కమర్షియల్ స్టైల్ను రూపొందించుకున్నారు. పవర్ సినిమాతో దర్శకుడిగా పరిచయమైన ఆయన, జై లవ కుశలో ఎన్టీఆర్ను మూడు విభిన్న పాత్రల్లో చూపించి ప్రశంసలు అందుకున్నారు. ముఖ్యంగా మెగాస్టార్ చిరంజీవితో తీసిన వాల్తేరు వీరయ్య, అలాగే బాలకృష్ణతో తెరకెక్కించిన డాకు మహారాజ్ వంటి చిత్రాలు బాక్సాఫీస్ వద్ద ఘన విజయాలు సాధించి ఆయనను టాప్ డైరెక్టర్ల జాబితాలో నిలబెట్టాయి. హీరో ఎవరిదైనా వారి మాస్ ఇమేజ్ను ఎలివేట్ చేయడంలో బాబీకి ఉన్న పట్టుదల ఈ విజయాలతో స్పష్టమైంది.
ఇప్పుడు శ్రీదేవి – రోషన్ కాంబినేషన్లో రాబోతున్న ‘బ్యాండు మేళం’పై కూడా మంచి అంచనాలే నెలకొన్నాయి. ప్రేమ, భావోద్వేగాలు, మ్యూజికల్ టచ్తో రూపొందుతున్న ఈ చిత్రం ప్రేక్షకులను ఎంతవరకు మెప్పిస్తుందో చూడాలి. అభిమానులు మాత్రం ఈ జంట మరో విజయాన్ని ఖాతాలో వేసుకోవాలని ఆశిస్తున్నారు.
Recent Random Post:
