హర్యానా బ్యూటీ మీనాక్షి చౌదరికి ప్రతిభ ఉన్నా, ఆ స్థాయికి తగ్గ అవకాశాలు మాత్రం దక్కడం లేదు. చిన్న సినిమాతో నటిగా ప్రయాణం మొదలుపెట్టిన ఈ అమ్మడు, తక్కువ సమయంలోనే స్టార్ హీరోల సినిమాల వరకూ ఎదిగింది. అయినప్పటికీ, ఇప్పటివరకు ‘ఆ స్టార్ లీగ్’లో మాత్రం స్థిరపడలేకపోయింది. ప్రధానంగా సెకండ్ లీడ్ పాత్రలకే పరిమితమవుతూ వస్తోంది.
వంద కోట్ల క్లబ్లో చేరిన సినిమాకు భాగమైన అనుభవం ఉన్నప్పటికీ, కెరీర్ పరంగా ఆమెకు అనుకున్న స్థాయిలో అవకాశాలు రావడం లేదంటే, అదృష్టం కలిసి రాలేదనే చెప్పాలి. ఇటీవల విడుదలైన **‘అనగనగా ఒక రాజు’**తో మరో విజయాన్ని తన ఖాతాలో వేసుకుంది. సంక్రాంతికి విడుదలైన ఈ చిత్రం విమర్శకుల ప్రశంసలు కూడా అందుకుంది. ఇందులో మీనాక్షి చేసిన పాత్రకు మంచి పేరు వచ్చింది.
అయితే, విజయం సాధించినప్పటికీ ఆమె తాజా లైనప్ చూస్తే మాత్రం ఖాళీగానే కనిపిస్తోంది. ప్రస్తుతం మీనాక్షి చేతిలో ఉన్న ఏకైక ప్రాజెక్ట్ ‘వృషకర్మ’. ఈ సినిమాలో యువ సామ్రాట్ నాగచైతన్యకు జోడీగా నటిస్తోంది. ఈ సినిమా తప్ప మరో కొత్త ప్రాజెక్ట్ ఆమె చేతిలో లేదు. ఈ సినిమా హిట్ అయినా, వెంటనే మరో సినిమా సైన్ చేసే గ్యారెంటీ కనిపించడం లేదు.
ఇలాంటి పరిస్థితులను ముందే అంచనా వేసిందో ఏమో కానీ, తాజాగా మీనాక్షి చౌదరి తన ఫోకస్ను శాండల్వుడ్ వైపు మళ్లించినట్లు తెలుస్తోంది. కన్నడ స్టార్ రక్షిత్ శెట్టి హీరోగా నటించనున్న కొత్త సినిమాలో ఆమెకు హీరోయిన్గా అవకాశం దక్కినట్టు సమాచారం.
ఈ చిత్రాన్ని కిరణ్ రాజ్ కె దర్శకత్వం వహించనున్నారు. గతంలో వీరిద్దరి కాంబినేషన్లో వచ్చిన ‘777 చార్లీ’ భారీ విజయం సాధించిన సంగతి తెలిసిందే. కన్నడలో వంద కోట్లకు పైగా వసూళ్లు సాధించిన చిత్రాల జాబితాలో ఆ సినిమా నిలిచింది. అదే నమ్మకంతో రక్షిత్తో మరో ప్రాజెక్ట్ ప్లాన్ చేస్తున్నట్లు తెలుస్తోంది. మొదట ఈ పాత్రకు కన్నడ నటినే తీసుకోవాలని భావించినా, పాత్రకు మీనాక్షి చౌదరి పర్ఫెక్ట్గా సరిపోతుందని ఆమెను ఎంపిక చేసినట్లు సమాచారం.
ఇది మీనాక్షికి సరైన సమయంలో వచ్చిన కీలక అవకాశం అని చెప్పాలి. ఇప్పటికే టాలీవుడ్తో పాటు కోలీవుడ్లోనూ సినిమాలు చేసిన ఆమె, అక్కడ కూడా పూర్తిగా బిజీ కాలేకపోయింది. బాలీవుడ్లోనూ కెరీర్ ప్రారంభంలోనే అదృష్టాన్ని పరీక్షించుకుంది. ‘అప్ స్టేర్స్’ సినిమాతో బాలీవుడ్ ఎంట్రీ ఇచ్చినా, అక్కడ అవకాశాలు నిలకడగా రాలేదు. దీంతో మళ్లీ టాలీవుడ్పైనే దృష్టి పెట్టింది.
ఇప్పుడిక్కడ పరిస్థితులు అనుకూలంగా లేకపోవడంతో, కన్నడ మార్కెట్లోకి అడుగుపెడుతోంది. అక్కడైనా అదృష్టం కలిసి వస్తుందా? లేదా అనేది వేచి చూడాల్సిందే. ప్రస్తుతం అన్ని ఇండస్ట్రీల్లోనూ హీరోయిన్ల మధ్య తీవ్రమైన పోటీ నెలకొంది. ఎక్కడ అవకాశం కనిపిస్తే అక్కడికి జంప్ అవుతూ కెరీర్ను నిలబెట్టుకునే ప్రయత్నం చేస్తున్నారు.
అయితే, మీనాక్షి చౌదరి మాత్రం గ్లామర్ ఎలివేషన్లకు దూరంగా ఉంటూ వస్తోంది. అదే అంశం టాలీవుడ్లో ఆమెకు కొంత ప్రతికూలంగా మారిందన్న అభిప్రాయం వినిపిస్తోంది. అయినప్పటికీ, నటనపైనే నమ్మకం పెట్టుకుని ముందుకు సాగుతున్న ఈ అమ్మడికి శాండల్వుడ్లో అయినా బ్రేక్ దక్కుతుందేమో చూడాలి.
Recent Random Post:
