తెలుగు తెరపై వరుస విజయాలతో వెలుగొందుతున్న కన్నడ అమ్మాయి శ్రీలీల, ఇప్పుడు ఇండియాలో అత్యంత బిజీ హీరోయిన్లలో ఒకరిగా ఎదుగుతోంది. తెలుగుతో పాటు, తమిళం, హిందీ, కన్నడ భాషల్లో కూడా ఆమె నటిస్తోంది. హిందీలో ‘ఆషిఖి-3’ వంటి క్రేజీ చిత్రంలో కూడా నటిస్తున్న శ్రీలీలకు తమిళంలో శివకార్తికేయన్తో ‘పరాశక్తి’ సినిమా గేమ్చేంజర్ కావాలని పెద్ద ఆశలు ఉన్నాయి.
కాగా, ఇటీవల విడుదలైన ‘పరాశక్తి’ టీజర్ చాలా పాజిటివ్ రిస్పాన్స్ అందుకున్నది. శివకార్తికేయన్ కెరీర్లో అత్యధిక బడ్జెట్తో రూపొందుతున్న ఈ చిత్రానికి రూ.70 కోట్ల పారితోషకాన్ని నిర్మాతలు ఇచ్చారని వార్తలు వచ్చాయి. అయితే, సినిమా ప్రొడ్యూస్ చేస్తున్న డాన్ పిక్చర్స్ అధినేతలు ఒక పెద్ద స్కామ్లో చిక్కుకొని ఈడీ అధికారులు విచారిస్తున్నారు. ఈ కారణంగా చిత్రీకరణ విరామానికి గురవుతున్నది.
తమిళ మీడియా సమాచారం ప్రకారం, శివకార్తికేయన్కు ఇచ్చిన భారీ పారితోషకంలో బ్లాక్మనీ కూడా ఉందని, ఆ డబ్బుతో శివకార్తికేయన్ కోసం ఒక భారీ భవంతి నిర్మిస్తున్నారన్న వార్తలు బయటపడుతున్నాయి. ఇప్పుడీ స్కామ్ కారణంగా నిర్మాతలు ఇబ్బందుల్లో పడగా, ఈ సమస్యల వల్ల ‘పరాశక్తి’ సినిమా షూటింగ్ ఆగిపోయే పరిస్థితి ఏర్పడింది.
తెలుగమ్మాయి దర్శకురాలు సుధ కొంగర కూడా ఈ చిత్రంతో సన్నిహితంగా ఉన్నారు. ఆమె ఇటీవల ‘ఆకాశం నీ హద్దురా’ చిత్రంతో మంచి పేరు సంపాదించుకున్న విషయం తెలిసిందే. ఇప్పుడు ఈ చిత్రంకు ఎదురైన ఇబ్బందులు సుధకు, శ్రీలీలకు ఇద్దరికీ పెద్ద దెబ్బగా మారుతున్నాయి.
శ్రీలీల తెలుగు సినిమా రంగంలో ఒక క్రేజీ ప్రాజెక్ట్తో ఎంట్రీ ఇవ్వబోతున్న విషయం ఆమె ఎగ్జైట్గా వెల్లడించింది. అయితే, ఈ ‘పరాశక్తి’ చిత్ర సమస్యల కారణంగా ఆమెకు తాత్కాలికంగా పెద్ద బ్రేక్ పడినట్టే కనిపిస్తోంది.
Recent Random Post:
