గత కొద్ది సంవత్సరాలుగా సమంత ఆరోగ్య పరంగా, పర్సనల్ లైఫ్ పరంగా కొన్ని సమస్యలను ఎదుర్కొంటున్న సంగతి తెలిసిందే. మరో వైపు, దర్శకుడు రాజ్తో ప్రేమలో ఉన్నట్టు ఎన్నో వార్తలు వెలువడాయి. వీటన్నిటికి నిజం చెబుతూ, సమంత ఈ నెల ప్రారంభంలో అతన్ని పెళ్లి చేసుకున్నారు. ఈ కొత్త దశలో, సమంత 2026ను ప్రశాంతమైన మనసుతో, కొత్త ఆలోచనలతో ఆహ్వానించడానికి సిద్ధమయ్యారు అని తెలుస్తోంది.
తాజాగా ఆమె సోషల్ మీడియాలో చేసిన పోస్ట్ అభిమానుల దృష్టిని ఆకర్షిస్తోంది. ఆ పోస్ట్లో ఆమె 2026కి పెట్టుకున్న లక్ష్యాలు సింపుల్, మోటివేషనల్గా ఉండటంతో చాలామందికి ప్రేరణగా మారాయి. పెళ్లయిన తర్వాత సమంత జీవితాన్ని కొంచెం నెమ్మదిగా, ఆలోచించి జీవించాలనే నిర్ణయం తీసుకున్నట్లు తెలుస్తోంది. ఎప్పుడూ విజయాల కోసం పరిగెత్తడం కంటే, తనకు నిజంగా అవసరమైన విషయాలపై దృష్టి పెట్టాలని ఆమె కోరుకుంటున్నారు.
2026 కోసం సమంత లక్ష్యాలను ఇలా పేర్కొన్నారు: దీర్ఘకాలం ఆరోగ్యంగా ఉండటం, రోజూ వ్యాయామం చేయడం, పక్కన వారితో కృతజ్ఞతతో జీవించడం, మంచి సంబంధాలు ఏర్పరచుకోవడం, సమాజానికి ఏదో ఒక రూపంలో తిరిగి ఇవ్వడం, తన అంతర్గత భావనను నమ్మడం, స్థిరమైన పని చేయడం, స్థిరమైన అభివృద్ధి పొందడం. ఈ లక్ష్యాలను చూసి, సమంత కేవలం నటి గానే కాకుండా, ఒక వ్యక్తిగా కూడా ఎదగాలని కోరుకుంటున్నారని అర్థమవుతుంది. పేరుకు, డబ్బుకు, హడావుడికి కాకుండా మనశ్శాంతి, సమతుల్యత ఆమెకు ముఖ్యమని స్పష్టంగా చెప్పింది. పోస్ట్తో పాటు ఆమె సాదాగా నవ్వుతూ ఉన్న ఫోటోను కూడా షేర్ చేశారు, ఇది ఆమె మాటలకు అచ్చుగా సరిపోతుంది. అభిమానులు ఆ ఫోటోకు కామెంట్లు పెడుతున్నారు.
ఇకపోతే, సమంత ఇటీవల కోయంబత్తూరులోని ఇషా యోగా సెంటర్లో కుటుంబ సభ్యులు, సన్నిహితుల మధ్య చాలా సింపుల్గా పెళ్లి చేసుకున్నారు. తర్వాత సోషల్ మీడియాలో కేవలం తేదీతో పెళ్లి ఫోటోలను షేర్ చేశారు. ముంబైలో, మొదటిసారి ఫోటోగ్రాఫర్ల ముందు నవ్వుతూ ధన్యవాదాలు చెప్పిన ఫోటోలు వైరల్ అయ్యాయి. సమంత ప్రస్తుతం ‘మా ఇంటి బంగారం’ సినిమా షూటింగ్తో బిజీగా ఉన్నారు.
Recent Random Post:
