కొన్ని సినిమాలు కొన్ని నటీనటుల క్రేజ్ను కొత్త ఎత్తులకు తీసుకెళ్తాయి. ఇప్పటికే ఎన్నో సినిమాలు అలా నటీనటులకు మంచి పేరు తెచ్చాయి. తాజాగా వచ్చిన బాలీవుడ్ చిత్రం దురంధర్ కూడా అందులో ఒక ఉదాహరణ. ఈ సినిమాలో నటించిన అందరికీ భారీ పేరు దక్కింది.
రణ్వీర్ సింగ్ హీరోగా, సారా అర్జున్ హీరోయిన్గా నటించిన ఈ సినిమా బాక్సాఫీస్ వద్ద మంచి హిట్గా కొనసాగుతోంది. స్పై యాక్షన్-థ్రిల్లర్గా తెరకెక్కిన ఈ సినిమాలో సారా అర్జున్ తన నటనతో అందరినీ మెప్పించారు. ఈ విజయం వల్ల ఆమె ఇప్పుడు మీడియా దృష్టిలో నిలిచారు.
ప్రసిద్ధ ఎంటర్టైన్మెంట్ పోర్టల్ IMDb ప్రతీ వారం Popular Indian Celebrities లిస్ట్ని ప్రకటిస్తుంది. ఈ వారం ఆ లిస్ట్లో సారా అర్జున్ నెం.1 స్థానాన్ని దక్కించుకొని రికార్డు సృష్టించారు. సారా ఈ లిస్ట్లో ప్రభాస్, విజయ్ లాంటి పాన్-ఇండియా హీరోలను వెనక్కి నెట్టారు. విజయ్ 8వ స్థానంలో, ప్రభాస్ 19వ స్థానంలో ఉన్నారు.
సారా మొదటి స్థానంలో నిలిచిన ప్రధాన కారణం దురంధర్ సినిమాలో ఆమె యాలినా జమాలి పాత్ర. రణ్వీర్ సింగ్తో ఆమె కెమిస్ట్రీ, యాక్షన్ సీక్వెన్స్లోని నిశితమైన నటన, ఆడియెన్స్ను ఆకట్టుకున్నది. ఆదిత్య ధర్ దర్శకత్వంలో తెరకెక్కిన ఈ సినిమా భారత సినీ చరిత్రలో కొత్త రికార్డులను సృష్టించింది.
Recent Random Post:
