నువ్వొస్తానంటే నేనొద్దంటానా, బొమ్మరిల్లు వంటి సూపర్ హిట్ చిత్రాలతో తెలుగు ప్రేక్షకుల మనసుల్లో ప్రత్యేక స్థానం సంపాదించిన హీరో సిద్ధార్థ్కి ఓ విభిన్న క్రేజ్ ఉంది. ప్రత్యేకించి లేడీ ఫ్యాన్స్కు ఆయన అంటే ఫిదా. ఆట, కొంచెం ఇష్టం కొంచెం కష్టం, బావ వంటి సినిమాలతో కోలీవుడ్ నుంచి టాలీవుడ్కు మెల్లగా స్థిరపడ్డాడు. లవర్ బోయ్గా మంచి గుర్తింపు తెచ్చుకున్న ఆయన తక్కువ సమయంలో బోలెడన్ని సినిమాలు చేసి ఆకట్టుకున్నారు.
అయితే ఇప్పుడు ఆయన సినిమా స్పీడ్ తగ్గించి, చాలా సెలెక్టివ్గా ప్రాజెక్టులు చేస్తూ, మళ్ళీ కోలీవుడ్పైనే ఎక్కువ ఫోకస్ పెడుతున్నారు. తెలుగు ప్రేక్షకులను మాత్రం తమిళ చిత్రాల డబ్బింగ్ వెర్షన్లతో పలకరిస్తున్నారు. ఇక ఇప్పుడు ఆయన 3 BHK అనే సినిమాతో జూలై 4న విడుదలకు సిద్ధమవుతున్నారు. ఇది సిద్ధార్థ్ కెరీర్లో 40వ చిత్రం కావడంతో పర్సనల్గా చాలా ప్రత్యేకమట.
ప్రచార కార్యక్రమాల్లో భాగంగా ఇటీవల ట్రైలర్ రిలీజ్ ఈవెంట్లో భావోద్వేగానికి లోనయ్యారు. అయితే ఆ తర్వాత మీడియాతో మాట్లాడిన సమయంలో కొన్ని కామెంట్స్ మాత్రం వివాదాస్పదంగా మారాయి. “నేను డబ్బులు కోసం సినిమాలు చేయడం లేదు. మీకు అలా అనిపిస్తే నేనేం చేయగలను?” అని వ్యాఖ్యానించారు.
ఈ మాటలు విన్న నెటిజన్లు కాస్త ఆశ్చర్యం వ్యక్తం చేస్తున్నారు. ఎందుకంటే, సినిమా ఎలాంటి బడ్జెట్తో అయినా, నిర్మాతకు లాభాలు రావడమే హిట్కి కొలమానం. థియేటర్లలో వసూళ్లు లేకపోతే అది ఫ్లాపే అవుతుంది. కనుక డబ్బు అవసరం లేదన్నట్టు మాట్లాడటం వాస్తవానికి దూరంగా ఉందని పలువురు అభిప్రాయపడుతున్నారు.
అంతేకాదు, 3 BHK మిడియం రేంజ్ మూవీ అయినప్పటికీ, “మూవీ చిన్నది, పెద్దది కాదు, ఇందులో ఉన్న కంటెంట్కి విలువ ఉంది” అనే విధంగా వ్యాఖ్యానించారు సిద్ధార్థ్. ఇది కంటెంట్ను డిఫెండ్ చేయడమే అయినా, బడ్జెట్ పరంగా సినిమా చిన్నదే కదా — అని కౌంటర్లు వస్తున్నాయి.
ఈ విధంగా సాధారణ విషయాల మీద కూడా స్పష్టత లేకుండా, తార్కికత లేకుండా మాట్లాడుతున్న సిద్ధార్థ్పై నెటిజన్లు ప్రశ్నలు వేస్తున్నారు. 3 BHK సినిమాకు ప్రమోషన్ కావాలంటే స్పష్టత ఉన్న మాటలు చెప్పాలి అని అంటున్నారు.
Recent Random Post:
