బాలీవుడ్ స్టార్ హీరో సైఫ్ అలీఖాన్‌పై దాడి కేసు కొత్త మలుపులు తిరుగుతోంది. పోలీసుల విచారణలో సైఫ్ మరియు కరీనా ఇచ్చిన వాంగ్మూలాలలో తేడాలు ఉండటంతో ఈ కేసు మరింత క్లిష్టతరమైంది. జనవరి 16న బాంద్రాలో సైఫ్‌పై దాడి జరిగింది. ఈ సంఘటనలో సైఫ్ తన కుమారుడు జెహ్ గదిలో ఏడుస్తుండగా, నానీ ఎలియామా ఫిలిప్స్ అరుస్తున్నట్లు విన్నట్లు తెలిపారు. దుండగుడు ఆ సమయంలో సైఫ్‌ను ఆరుసార్లు కత్తితో పొడిచాడని, అయినప్పటికీ తాను అతడిని గదిలో బంధించగలిగినట్లు చెప్పారు.
కానీ కరీనా కపూర్ వాంగ్మూలంలో ఈ వివరాలకు వ్యతిరేకంగా, 12వ అంతస్తు నుండి దిగివచ్చిన సమయంలో సైఫ్ దాడి చేసిన వ్యక్తితో పోరాడుతున్నట్లు తాను చూశానని పేర్కొన్నారు. వైద్య నివేదికల ప్రకారం కూడా కొన్ని వివరణలు విభిన్నంగా ఉండటం అనుమానాలకు గురిచేసింది.
దాడి చేసిన వ్యక్తి సైఫ్‌ను పొడిచాడని చెబుతున్నప్పటికీ, అతని దుస్తులపై రక్తపు మరకలు కనిపించకపోవడం, సీసీటీవీ ఫుటేజ్‌లో సందేహాస్పద అంశాలు ఉండటం కేసు మరింత క్లిష్టతరం చేసింది. భవనం భద్రత కోణంలో పోలీసు చర్యలు తీసుకోగా, సీసీటీవీ కెమెరాలు, విండో గ్రిల్స్ ఏర్పాటు చేయడం జరిగింది.
సైఫ్ అలీఖాన్ నివాసం వద్ద ప్రత్యేక భద్రతను ఏర్పాటు చేయడంతో పాటు, పోలీసులు తన నివేదికను కోర్టుకు సమర్పించనున్నారు. ఈ కేసు మిస్టరీగా మారడంతో, నిజాలు వెలుగులోకి రావడానికి మరికొంత సమయం పట్టేలా ఉంది.
Recent Random Post:
