ఒకప్పుడు స్టార్ హీరోలతో ప్ర‌త్య‌క్షంగా పోటీప‌డి, విలన్గా పేరొందిన ఆరిఫ్ ఖాన్, అనూహ్యంగా న‌ట‌నారంగాన్ని వదిలి జీవితం మార్చుకున్నాడు. అద్భుతమైన నటనతో పెద్ద పెద్ద స్టార్ హీరోల‌కు ధీటుగా నిలిచిన ఆరిఫ్, ఇప్పుడు తన జీవితాన్ని పూర్తిగా మార్చుకున్నాడు. అతడు ఎట్లా న‌ట‌న వదిలి, ఆధ్యాత్మిక మార్గాన్ని అనుస‌రించాల‌నే నిర్ణ‌యం తీసుకున్నాడో? అభిమానుల మ‌ధ్య ఇది ఒక పెద్ద ప్రశ్న‌గా మారింది.
ఇప్ప‌టికే తన మార్గం స్పష్టంగా మార్చుకున్న ఆరిఫ్, ఇప్పుడు ఈ మార్పు గురించి క్లారిటీ ఇచ్చాడు. ప్రముఖ విల‌న్ ఆరిఫ్ ఖాన్, సల్మాన్ ఖాన్, అక్షయ్ కుమార్, సునీల్ శెట్టి, అజయ్ దేవగణ్ వంటి స్టార్ హీరోలతో కలిసి నటించి, విలన్గా ఆడియన్స్‌లో మంచి గుర్తింపు సంపాదించాడు. అజయ్ దేవగణ్ నటించిన ఫూల్ ఔర్ కాంటే చిత్రంలో రాకీ పాత్రతో అతడు భారీ గుర్తింపు పొందాడు. అలాగే, మోహ్రా, దిల్‌జాలే వంటి బ్లాక్‌బస్టర్ చిత్రాల్లో విలన్గా నటించి, తన నటనతో ప్రేక్షకులను ఆకట్టుకున్నాడు.
కానీ, ఆరిఫ్ అనుకోని మలుపు తీసుకుని, తన జీవితాన్ని మారుస్తూ, ఆధ్యాత్మిక మార్గాన్ని అనుసరించడానికి నిర్ణయించుకున్నాడు. తనలోని శాంతి కోసం, అతడు మత ప్రవక్తగా మారి మౌలానాగా సేవలు అందిస్తున్నారు. తన ఆధ్యాత్మిక మార్గంలో నడుస్తూ, ప్ర‌జ‌ల‌కు మార్గనిర్దేశం చేయడం ప్రారంభించాడు.
ఈ విపరీతమైన మార్పు కారణంగా అతడిని గుర్తు పట్టడం కూడా కష్టంగా మారిపోయింది. ప్రస్తుతం అతడు పొడవాటి గడ్డంతో పూర్తిగా మారిపోయాడు. ఇన్‌స్టాగ్రామ్‌లో యాక్టివ్‌గా ఉంటూ, తన అనుభవాలను పంచుకుంటున్న ఆరిఫ్, సొంత యూట్యూబ్ చానెల్‌ను కూడా నిర్వహిస్తున్నాడు.
ఈ విధంగా, న‌ట‌న నుంచి ఆధ్యాత్మిక మార్గం వైపు మళ్లిన ఆరిఫ్ ఖాన్, తన జీవితంలో కొత్త ఆరంభాన్ని సృష్టించాడు.
Recent Random Post:
