‘వార్ 2’ – పాన్ ఇండియా స్థాయిలో భారీ అంచనాలు నెలకొల్పుకున్న యాక్షన్ ఎంటర్టైనర్. అయాన్ ముఖర్జీ దర్శకత్వంలో, యష్ రాజ్ ఫిలిమ్స్ నిర్మాణంలో రూపొందుతున్న ఈ సినిమాపై దేశవ్యాప్తంగా భారీ బజ్ క్రియేట్ అయ్యింది. హృతిక్ రోషన్, ఎన్టీఆర్ మొదటిసారి ఒకే స్క్రీన్ పై కనిపించబోతుండటమే కాక, కియారా అద్వానీ హీరోయిన్గా నటించడం ప్రత్యేక ఆకర్షణ. ఆదిత్య చోప్రా నిర్మించిన ఈ భారీ సినిమా ఆగస్టు 14న థియేటర్లలో గ్రాండ్ రిలీజ్ కానుంది.
తాజాగా ఈ సినిమా నుండి మొదటి సింగిల్ **‘ఊపిరి ఊయలలాగా’**ను విడుదల చేశారు. ఈ రొమాంటిక్ ట్రాక్లో హృతిక్ – కియారా కెమిస్ట్రీ అందరినీ ఆకట్టుకునేలా ఉంది. హృతిక్ స్టైలిష్ లుక్, కియారా గ్లామరస్ ప్రెజెన్స్ ఈ పాటలో ప్రత్యేక హైలైట్గా నిలిచాయి. బాలీవుడ్ మ్యూజిక్ లవర్స్కి బాగా పరిచయమైన కేసరియా టీమ్ ఈ మెలోడియస్ సాంగ్ను రూపొందించింది.
హిందీ వెర్షన్కు ప్రీతమ్ మ్యూజిక్ అందించగా, అమితాభ్ భట్టాచార్య లిరిక్స్ రాశారు. అరిజిత్ సింగ్ ఈ పాటను హిందీలో ఆలపించారు. తెలుగులో చంద్రబోస్ అందించిన సాహిత్యం, శాశ్వత్ సింగ్ – నిఖితా గాంధీ గానం ఈ పాటకు ప్రత్యేక ఆకర్షణగా నిలిచాయి. రిలీజ్ అయిన వెంటనే ఈ పాట చార్ట్బస్టర్గా మారి, యూట్యూబ్లో ట్రెండింగ్లోకి దూసుకెళ్లి, మిలియన్ల వ్యూస్ను సాధించింది.
ముఖ్యంగా కియారా అద్వానీ పుట్టినరోజు సందర్భంగా ఈ పాటను విడుదల చేయడం ఫ్యాన్స్కి డబుల్ ట్రీట్గా మారింది. అద్భుతమైన లొకేషన్స్, అందమైన డ్యాన్స్ మూమెంట్స్, రిచ్ సినిమాటోగ్రఫీ ఈ పాటను మరింత ఆకట్టుకునేలా చేశాయి.
సినిమాలో ఈ రొమాంటిక్ ట్రాక్ మెయిన్ హైలైట్గా నిలుస్తుందని మేకర్స్ చెబుతున్నారు. యాక్షన్తో పాటు మెలోడి కూడా కలగలిపిన ఈ సాంగ్స్ అన్ని వర్గాల ప్రేక్షకులను ఆకట్టుకుంటాయని విశ్వాసం వ్యక్తం చేస్తున్నారు.
ఆగస్టు 14న హిందీ, తెలుగు, తమిళ భాషల్లో భారీ స్థాయిలో విడుదల కానున్న ‘వార్ 2’, ఇప్పటికే ట్రైలర్, పాటలతోనే హై ఎక్స్పెక్టేషన్స్ క్రియేట్ చేసింది. హృతిక్ – కియారా జంట రొమాంటిక్ ఎమోషన్స్తో స్క్రీన్పై ఎలా మెస్మరైజ్ చేస్తుందో చూడాలి. తెలుగులో ఈ సినిమాను సితార నాగవంశీ విడుదల చేస్తున్నారు.
Recent Random Post:
