ఒకప్పటితో పోలిస్తే ఇటీవలి కాలంలో ప్రేక్షకుల అభిరుచి పూర్తిగా మారిపోయింది. కథలో నిజాయితీ, పాత్రల్లో రియలిజం కోరుకునే స్థాయికి ఆడియెన్స్ ఎదిగారు. దీంతో సెలబ్రిటీలు పాత్రలకు న్యాయం చేయాలంటే ఎంతటి కష్టమైనా భరించాల్సిన పరిస్థితి ఏర్పడింది. సినిమా పాత్రలు సహజంగా కనిపించాలంటే నటులు పడుతున్న శ్రమ మాటల్లో చెప్పలేనంతగా మారింది.
ఈ క్రమంలోనే ఒక సినిమా షూటింగ్ సమయంలో తాను ఏకంగా 12 రోజుల పాటు నరకం అనుభవించానని, గాయాల కారణంగా ఒకటిన్నర నెల పాటు షూటింగ్కు బ్రేక్ ఇవ్వాల్సి వచ్చిందని, అయితే ఆ కష్టానికి ప్రేక్షకులు బ్రహ్మరథం పట్టారని ఒక హీరో చేసిన వ్యాఖ్యలు అందరినీ ఆశ్చర్యపరిచాయి.
ఆ హీరో ఎవరో కాదు… ప్రముఖ బాలీవుడ్ నటుడు విక్కీ కౌశల్. మరాఠా యోధుడు, ఛత్రపతి శివాజీ మహారాజ్ వారసుడు శంభాజీ మహారాజ్ జీవిత కథ ఆధారంగా తెరకెక్కిన చిత్రం **‘ఛావా’**లో విక్కీ కౌశల్ ప్రధాన పాత్రలో నటించారు. ఈ చిత్రంలో రష్మిక మందన్న శంభాజీ మహారాజ్ భార్య పాత్రలో కనిపించి ప్రశంసలు అందుకున్నారు.
ఈ సినిమాలోని క్లైమాక్స్ ప్రత్యేకంగా చెప్పుకోవాల్సిందే. శంభాజీ మహారాజ్ను బంధించి చిత్రహింసలు పెట్టే సన్నివేశం సినిమాలో కీలక ఘట్టంగా నిలుస్తుంది. అయితే ఆ సన్నివేశం షూటింగ్ సమయంలో తాను ఎదుర్కొన్న టార్చర్ గురించి తాజాగా విక్కీ కౌశల్ ఓ ఇంటర్వ్యూలో పంచుకున్నారు.
“ఆ సన్నివేశాల షూటింగ్ మొదలైన మూడో రోజే నాకు గాయమైంది. దాంతో దాదాపు నెలన్నర విరామం తీసుకోవాల్సి వచ్చింది. ఆ సెట్ను కూడా అప్పట్లో తొలగించాం. రెండు నెలల తర్వాత మళ్లీ సెట్ వేసి, దానిపై 12 రోజులు వరుసగా షూటింగ్ చేశాం. నిజానికి ఇలాంటి సన్నివేశాలు రూపొందించడం చాలా కష్టం. ప్రతి ఒక్కరూ 100 శాతం కష్టపడ్డారు. శంభాజీ మహారాజ్ కథను ప్రపంచానికి చెప్పాలనే తపనతో అంత శ్రమ పెట్టాం. ఆ 12 రోజులు నరకం అంటే ఏంటో మాకు అర్థమైంది,” అని తెలిపారు.
విక్కీ కౌశల్ విషయానికి వస్తే… తన సహజమైన నటనతో బాలీవుడ్లో ప్రత్యేక గుర్తింపు సంపాదించారు. నేషనల్ అవార్డు, మూడు ఫిల్మ్ఫేర్ అవార్డులు సహా అనేక ప్రశంసలు ఆయన ఖాతాలో ఉన్నాయి. 2019లో ఫోర్బ్స్ ఇండియా సెలబ్రిటీ 100 జాబితాలో కూడా చోటు దక్కించుకున్నారు.
1988 మే 16న మహారాష్ట్రలోని ముంబైలో జన్మించిన విక్కీ, 2021లో ప్రముఖ హీరోయిన్ కత్రినా కైఫ్ను వివాహం చేసుకున్నారు. ఈ ఏడాది వారు పండంటి కొడుకుకు తల్లిదండ్రులయ్యారు.
1988 మే 16న మహారాష్ట్రలోని ముంబైలో జన్మించిన విక్కీ, 2021లో ప్రముఖ హీరోయిన్ కత్రినా కైఫ్ను వివాహం చేసుకున్నారు. ఈ ఏడాది వారు పండంటి కొడుకుకు తల్లిదండ్రులయ్యారు.
Recent Random Post:
