2025 సంవత్సరం చివరికి చేరుకుంది, మరియు డిసెంబర్ రెండవ వారంలో బాక్సాఫీస్ లెక్కలు దాదాపు ఖరారు అయ్యాయి. ఈ నెలలో రణవీర్ సింగ్ నటించిన ధురంధర్ సినిమాకి తప్ప పెద్ద రీలీస్ లేవు, అందువల్ల ఈ ఏడాది టాప్ గ్రాసర్స్ లిస్ట్ ఫిక్స్ అయిపోయినట్లే అనిపిస్తుంది. అయితే, టాలీవుడ్ అభిమానులకు కొంచెం నిరాశ కలిగించే పరిస్థితే ఉంది. ఈసారి మన సినిమాలు ఎప్పటి లాంటి టాప్ స్థానం అందుకోలేక వెనుకబడ్డాయి.
ఈ ఏడాది బాక్సాఫీస్ దగ్గర కన్నడ సినిమా తన సత్తాను చాటింది. రిషబ్ శెట్టి నటించిన కాంతార చాప్టర్ 1 853 కోట్ల వసూళ్లతో ఇండియాలో నంబర్ వన్ స్థానంలో నిలిచింది. ఆ తర్వాత హిందీ సినిమా చావ్ 808 కోట్లతో రెండో స్థానంలో ఉంది. విక్కీ కౌశల్ నటించిన మరాఠా వీరుడు శంభాజీ కూడా భారీ విజయాన్ని అందుకుంది. ఈసారి టాప్ లిస్టులో ఎక్కువగా బాలీవుడ్ సినిమాలు ఆధిపత్యం చూపాయి.
తెలుగు సినిమా విషయానికి వస్తే పరిస్థితి సన్నగా ఉంది. పాన్ ఇండియా రేంజ్లో పెద్ద హిట్ అందిస్తామని భావించిన సినిమాలు అంచనాలను తీరలేకపోయాయి. టాప్ 10లో ఒక్క పవన్ కళ్యాణ్ నటించిన ఓజీ మాత్రమే చోటు దక్కించుకుంది. ఈ సినిమా 298 కోట్ల వసూళ్లతో హిట్గా నిలిచింది. కానీ ఎక్కువ భాగం వసూళ్లు తెలుగు రాష్ట్రాల నుండే వచ్చాయి, ఇతర భాషల్లో ఆశించిన ప్రభావం చూపలేకపోయింది. ప్రభాస్, అల్లు అర్జున్, రామ్ చరణ్, మహేష్ బాబు లాంటి స్టార్ హీరోలు బాక్సాఫీస్ రేసులో లేకపోవడం టాలీవుడ్కు పెద్ద లోటు. ఎన్టీఆర్ కీలక పాత్రలో నటించిన వార్ 2 360 కోట్లు మాత్రమే రాబట్టి ఫ్లాప్గా నిలిచింది. రజినీకాంత్ కూలీ సినిమా 516 కోట్లతో యావరేజ్గా అనిపించింది. అక్షయ్ కుమార్ హౌస్ ఫుల్ 5 292 కోట్లతో సరిగా నిలిచింది.
పెద్ద సినిమాలు నిరాశ పరిచినా, చిన్న కాన్టెంట్ రిచ్ సినిమాలు ఈ ఏడాది అద్భుత విజయాలు సాధించాయి. అంచనాలు లేకుండా వచ్చిన సయారా 575 కోట్ల వసూళ్లతో అందరినీ ఆశ్చర్యపరిచింది. మలయాళం లోక సినిమా 302 కోట్లతో ఆల్ టైమ్ బ్లాక్బస్టర్గా నిలిచింది. యానిమేషన్ ఫిల్మ్ మహా అవతార్ నరసింహ 326 కోట్లతో లాభాలను సాధించింది. ప్రస్తుతం థియేటర్లలో ఉన్న ధురంధర్ 374 కోట్లు వసూలు చేసింది, ఇంకా ఆడుతూనే ఉండటం వల్ల కలెక్షన్స్ పెరగడం కూడా సాధ్యమే.
Recent Random Post:
