బాలీవుడ్ నాగిని స్టార్ మౌని రాయ్ గురించి పరిచయం అవసరం లేదు. అమ్మడు మల్టీట్యాలెంటెడ్ గాళ్. మోడలింగ్ నుంచి అటుపై గాయనిగా..నటిగా ఫేమస్ అయింది. సినిమాలకన్నా టీవీషోలతోనే మౌనీరాయ్ బాగా ఫోకస్ అయింది. పాప్ ఆల్బమ్ సింగర్ గానూ మౌనీరాయ్ శ్రోతల్ని అలరించింది. నటిగా ఇప్పుడిప్పడే నిలదొక్కుకుంటోంది.
ఇప్పటికే బాలీవుడ్ లో కొన్ని సినిమాల్లో నటించినప్పటీకీ అవి యాక్టింగ్ కి అంతగా స్కోప్ లేని చిత్రాలుగానే ఉన్నాయి. ఇటీవలే బ్రహ్మాస్త్రలో నటించింది. ఇందులో అమ్మడి పాత్రకు మంచి ప్రశంసలు వచ్చాయి. ఈ సినిమా మౌనిరాయ్ కి మంచి గుర్తింపును తీసుకొచ్చింది. మంచి ఓపెనింగ్స్ సాధించినప్పటికీ అంతిమంగా బాక్సాఫీస్ వద్ద ఫెయిల్యూర్ గానే నిలిచినా..మౌని రాయ్ కష్టానికి తగ్గ ఫలితం మాత్రం దక్కింది.
ఈ సందర్బంగా అమ్మడు మౌని రాయ్ అయాన్ మరియు ముఖేష్లకు ధన్యవాదాలు తెలిపింది.’బ్రహ్మాస్త్ర’ చిత్రంలో నాగార్జునతో కలిసి నటించడం గొప్ప అదృష్టంగా..గౌరవవంగా భావిస్తున్నట్లు చెప్పుకొచ్చింది.
ఆయనతో తెరను పంచుకున్న అనుభవాన్ని ఎప్పటికీ మర్చిపోలేనని సంతోషాన్ని వ్యక్తం చేసింది. అలాగే దేశం గర్వించదగ్గ దర్శకుడు రాజమౌళి గురించి ఆసక్తికర వ్యాఖ్యలు చేసింది.
అతని సినిమాలకి అభిమానిగా మారిపోయినట్లు రివీల్ చేసింది. ఇంకా మెగా పవర్ స్టార్ రామ్ చరణ్..స్టైలిష్ స్టార్ అల్లు అర్జున్ సహా పలువురు స్టార్ల గురించి చెప్పుకొచ్చింది. ఆ స్టార్ హీరోల చిత్రాల్లో సైతం నటించాలని ఆశాభావం వ్యక్తం చేసింది. మొత్తానికి మౌనిరాయ్ కి నాగిని సీరియల్ తర్వాత మంచి గుర్తింపునిచ్చిన పాత్ర బ్రహ్మస్ర్తలో దక్కిందని చెప్పొచ్చు.
వెండి తెరపై మెరవాలని అమ్మడు ఎప్పటి నుంచో కలలు కంటోంది. అందులోనూ సరైన ఛాన్స్ అందుకోవడం ఎలా? అని ఎదురుచూస్తోన్న సమయంలో రణబీర్ కపూర్ సినిమాలో ఛాన్స్ రావడం అమ్మడికి లక్కీ అనే చెప్పాలి. అదే ఐడెంటిటీతో మరిన్ని అవకాశాలు రావడంపైనా ధీమా వ్యక్తం చేసింది. టాలీవుడ్ లో బాగా ఫేమస్ అయిన నటి కాబట్టి ఇక్కడ అవకాశాలకు బాగానే ఛాన్స్త కనిపిస్తుంది. ఇక బ్యూటీ సోషల్ మీడియా వేదికగా ఎంత యాక్టివ్ గా ఉంటుందో చెప్పాల్సిన పనిలేదు. ఎప్పటికప్పడు హాట్ ఫోటోలతో తనదైన అందాలతో మంటలు పుట్టించడం సొగసరి ప్రత్యేకత.
Recent Random Post:
