యంగ్‌ రెబల్‌ స్టార్‌ ప్రభాస్‌ హీరోగా రూపొందబోతున్న నాగ్‌ అశ్విన్‌ మూవీ లో హీరోయిన్‌ గా దీపిక పదుకనే నటించబోతున్న విషయం తెల్సిందే. ఈ భారీ బడ్జెట్‌ సినిమాలో అమితాబచ్చన్‌ కీలక పాత్రలో నటించబోతున్నాడు. ఇప్పటికే అధికారిక ప్రకటన వచ్చిన ఈ సినిమా కొన్ని వారాల్లో పట్టాలెక్కబోతుంది. ఈ సినిమాలో అమితాబచ్చన్‌ మరియు దీపిక పదుకునేలా కాంబో సీన్స్‌ ఉంటాయో లేదో తెలియదు కాని త్వరలో వీరిద్దరు కలిసి మరో సినిమాను చేయబోతున్నట్లుగా అధికారిక ప్రకటన వచ్చింది.
అమెరికన్‌ ఫిల్మ్‌ ‘ది ఇంటర్న్‌’ ను హిందీలో రీమేక్ చేయబోతున్నారు. అమితాబచ్చన్‌ మరియు దీపికలు ప్రధాన పాత్రల్లో నటించబోతున్న ఈ సినిమా అధికారిక ప్రకటనను ఇద్దరు కలిసి చేశారు. ఆరు సంవత్సరాల తర్వాత నా బెస్ట్‌ కో స్టార్‌ అమితాబచ్చన్‌ సర్‌ తో వర్క్‌ చేయబోతున్నందుకు సంతోషంగా ఉందని దీపిక పదుకునే ట్వీట్‌ చేసింది. ఇక అమితాబచ్చన్‌ వన్‌ మోర్‌ టైమ్‌ అంటూ ట్వీట్‌ చేశాడు. వీరిద్దరి కాంబోలో రాబోతున్న ఈ సినిమా భారీ అంచనాల నడుమ రూపొందబోతుంది. ఈ సినిమాకు బదాయి హో దర్శకుడు అమిత్‌ శర్మ దర్శకత్వం వహించబోతున్నాడు. ఈ రీమేక్ లో అమితాబ్ మరియు దీపికలు ఎలా కనిపించబోతున్నారనే విషయమై క్లారిటీ రావాల్సి ఉంది.
Recent Random Post:
