పవర్ స్టార్ పవన్ కళ్యాణ్ కథానాయకుడిగా హరీష్ శంకర్ దర్శకత్వంలో తెరకెక్కుతున్న ‘ఉస్తాద్ భగత్ సింగ్’ చిత్రానికి సంబంధించి తాజా సమాచారం వెలువడింది. ఇప్పటి వరకు భారీ భాగం షూటింగ్ పూర్తయినప్పటికీ, కొన్ని కీలక సన్నివేశాలు ఇంకా పూర్తి చేయాల్సి ఉంది. ఈ షూటింగ్ కోసం పవన్ కేటాయించిన డేట్లకు అనుగుణంగా పనులు సాగుతుండగా, తాను సైతం షూటింగ్ కోసం పూర్తిగా సిద్ధంగా ఉన్నట్లు తెలుస్తోంది. ఆంధ్రప్రదేశ్లో రాజకీయ వాతావరణం ఏలా ఉన్నా, పవన్ రెడీగా ఉన్నాడని తెలుస్తోంది.
కానీ అకస్మాత్తుగా కార్మికుల సమ్మె కారణంగా షూటింగ్ పూర్తిగా నిలిచిపోయింది. ప్రారంభంలో బ్యాండ్ ప్రకటించినప్పటికీ ‘ఉస్తాద్ భగత్ సింగ్’ షూటింగ్ కొనసాగుతుందనే సమాచారం వచ్చినా, త్వరలోనే అది కూడా ఆగిపోయింది. ఇతర రాష్ట్రాల నుండి కార్మికులను తీసుకువచ్చి షూటింగ్ చేస్తున్నారంటూ ఆరోపణలు వినిపించాయి. కొంతమందికి పవన్ పై అసంతృప్తి వ్యక్తమవుతూ, ఆ తర్వాతే షూటింగ్ పూర్తిగా ఆగిపోయింది. ప్రస్తుతం టాలీవుడ్ లో అన్ని సినిమాల షూటింగ్లు తాత్కాలికంగా నిలిచిపోయాయి. దీనివల్ల హీరోలు ఇళ్లలో గడుపుతున్నారట.
ఇదిలా ఉంటే, ఈ పరిస్థితిలో విదేశీ షెడ్యూల్స్ నిర్వహణకు అవకాశాలున్నాయా అనే సందేహం ఉంది. తక్కువ మంది టీంతో విమాన ప్రయాణం చేసి విదేశాల్లో షూటింగ్ చేయాలనే ఆలోచన కూడా ఉంది. ‘ఉస్తాద్ భగత్ సింగ్’ సినిమా కోసం బ్యాలెన్స్ షూటింగ్ కు సుమారు ఒక నెల సమయం అవసరం అని సమాచారం. అందులో పవన్ కోసం వారం రోజుల షూటింగ్ మిగిలి ఉండగా, మిగతా నటీనటుల షెడ్యూల్స్ కోసం సుమారు పది నుంచి పన్నెండు రోజులు ఉండనుంది. ఆ తర్వాత పాటల చిత్రీకరణ మొదలవుతుందని చెప్పబడుతోంది.
అయితే ఈ సమ్మెతో ‘ఉస్తాద్ భగత్ సింగ్’ షూటింగ్ ఆగిపోవడం పవన్ కోసం పెద్ద ఆటంకంగా మారింది. పవన్ ఇప్పటికే చాలా కష్టంగా షెడ్యూల్స్ ఇస్తూ ఉంటాడు. ‘హరిహరి వీరమల్లు’ షూటింగ్ పూర్తయ్యేందుకు ఎంత సమయం పట్టిందో అందరికీ తెలిసిందే. అలాగే ‘ఓజీ’ చిత్రీకరణకు కూడా ఎక్కువ కాలం పట్టింది. ఈ రెండు సినిమాలకంటే ‘ఉస్తాద్ భగత్ సింగ్’ వేగంగా పూర్తి అవుతుందని భావించగా ఈ బ్యాండ్ కారణంగా షూటింగ్ దెబ్బతిన్నట్లైంది. దీంతో పవన్ తర్వాత కొత్త డేట్స్ కేటాయించుకోవాల్సి ఉంటుంది.
Recent Random Post:
