మలయాళ స్టార్ హీరో Tovino Thomas, యంగ్ టైగర్ N. T. Rama Rao Jr. మరియు స్టార్ డైరెక్టర్ Prashanth Neel కాంబినేషన్లో రూపొందుతున్న భారీ పాన్ ఇండియా ప్రాజెక్ట్ నుంచి తప్పుకున్నట్లు అధికారికంగా వెల్లడించారు. గత కొంతకాలంగా ఈ సినిమాలో ఆయన పవర్ఫుల్ విలన్ పాత్రలో కనిపిస్తారన్న వార్తలు వినిపించాయి. అయితే ఆ ప్రచారాలకు ఆయన స్వయంగా ఫుల్స్టాప్ పెట్టారు.
హైదరాబాద్లో తన తాజా మలయాళ చిత్రం పల్లిచట్టంబి ప్రమోషన్స్లో పాల్గొన్న సందర్భంగా మీడియాతో మాట్లాడిన టోవినో థామస్, ఈ ప్రాజెక్ట్లో తాను భాగం కావడం లేదని స్పష్టం చేశారు. డేట్స్ సమస్యల కారణంగా ఈ నిర్ణయం తీసుకోవాల్సి వచ్చిందని తెలిపారు.
తెలుగు సినిమాలపై ఆసక్తి ఉన్నప్పటికీ, మలయాళం మరియు టాలీవుడ్ వర్క్ ప్రాసెస్లో తేడాలు ఉన్నాయని ఆయన వివరించారు. మలయాళంలో తక్కువ సమయంలో సినిమాలు పూర్తవుతాయని, కానీ తెలుగు పెద్ద ప్రాజెక్టులు ఎక్కువ కాలం తీసుకుంటాయని చెప్పారు.
ఒకేసారి ఒకే ప్రాజెక్ట్కు పూర్తి సమయం కేటాయించడం తన విధానం అని చెప్పిన ఆయన, ఎక్కువగా మూడు నెలలకంటే ఎక్కువగా ఒక సినిమాకు డేట్స్ ఇవ్వడం కష్టమని వెల్లడించారు. ప్రస్తుతం తన చేతిలో నాలుగు నుంచి ఐదు మలయాళ సినిమాలు ఉన్నందున, ఈ భారీ పాన్ ఇండియా ప్రాజెక్ట్ను వదులుకోవాల్సి వచ్చిందని తెలిపారు.
N. T. Rama Rao Jr. – Prashanth Neel కాంబినేషన్లో రూపొందుతున్న ఈ హై-వోల్టేజ్ యాక్షన్ ఎంటర్టైనర్పై ఇప్పటికే భారీ అంచనాలు నెలకొన్నాయి. మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ చిత్రం స్టైలిష్ యాక్షన్తో ప్రేక్షకులను ఆకట్టుకోనుంది.
టోవినో తప్పుకోవడంతో ఆయన కోసం అనుకున్న కీలక పాత్రకు కొత్త నటుడిని తీసుకున్నట్లు సమాచారం. దీంతో ఆ పాత్రలో ఎవరు కనిపిస్తారన్న ఆసక్తి మరింత పెరిగింది.
Recent Random Post:
