సీతారామం, హాయ్ నాన్న వంటి సూపర్ హిట్లతో టాలీవుడ్ ప్రేక్షకుల్లో మంచి క్రేజ్ సంపాదించుకున్న మృణాల్ ఠాకూర్కు, ది ఫ్యామిలీ స్టార్ ఫలితం నిరాశ కలిగించింది. ఈ సినిమా ఫ్లాప్ కావడంతో తాత్కాలికంగా అవకాశాలు తగ్గిపోయాయి. అయితే, అడివి శేష్ నటిస్తున్న ‘డెకాయిట్’ చిత్రంలో శృతి హాసన్ తప్పుకోవడంతో ఆ ఛాన్స్ మృణాల్ చేతికి వచ్చిందన్నది ప్రస్తుతం టాక్.
ఇటీవల మృణాల్ అభిమానులు ఆలోచిస్తున్న విషయమేమంటే – “తెలుగులో రెండు హిట్లు ఇచ్చినా, మళ్లీ అవకాశాలు ఎందుకు రావట్లేదు?” అన్నదే. ఆమె టాలెంట్కి మరో మంచి జాక్పాట్ సినిమా అవసరమని విశ్లేషిస్తున్నారు. ఫ్యామిలీ స్టార్లోనూ మృణాల్ పాత్ర మేటిగా నిలిచింది. తన రోల్కు పూర్తి న్యాయం చేసింది. అయితే, కథల ఎంపికలో కొంత తడబాటు కారణంగానే అవకాశాలు తగ్గినట్లుగా సినీ విశ్లేషకుల అభిప్రాయం.
ప్రస్తుతం ఆమె చేతిలో ఉన్న తెలుగు ప్రాజెక్ట్ డెకాయిట్ మాత్రమే. ఆ చిత్రం విజయం సాధిస్తే మళ్లీ తెలుగు ఇండస్ట్రీలో సెట్ అయ్యే అవకాశం ఉంటుంది. ప్రస్తుతం మరో తెలుగు సినిమా డిస్కషన్ లో లేదన్న వార్తలే వినిపిస్తున్నాయి. తమిళ సినిమాల వైపు కూడా మృణాల్ అడుగులు వేస్తోంది. అయితే మొదటి సినిమా నుంచే మంచి ఇంపాక్ట్ క్రియేట్ చేయాలన్న ఉద్దేశంతో కథల ఎంపికలో చాలా జాగ్రత్తలు తీసుకుంటోందట.
ఇక బాలీవుడ్ విషయానికి వస్తే, మృణాల్ ఠాకూర్ అక్కడ మాత్రం ప్రాజెక్ట్స్తో బిజీగా ఉంది. స్టార్ క్రేజ్ కోసం చిత్తశుద్ధితో కష్టపడుతోంది. అయితే టాలీవుడ్లో మాత్రం ఆమెకు ఒక ప్రత్యేకమైన ఫ్యాన్ బేస్, క్లాస్ ఇమేజ్ ఏర్పడింది. అందుకే మళ్లీ ఇక్కడ సినిమాలు చేయాలన్న ఆసక్తి ఆమెలో కనిపిస్తోంది.
అయితే ఒకింత ఆశ్చర్యం కలిగిస్తున్న విషయం – సీనియర్ హీరోలతోనైనా నటించేందుకు సిద్ధంగా ఉన్నా, వారు మృణాల్కి అవకాశం ఇవ్వకపోవడం. మిగిలిన పరిశ్రమల్లో అవకాశాల కోసం చూస్తూనే ఉన్న మృణాల్కి, డెకాయిట్ చిత్రం టర్నింగ్ పాయింట్ అవుతుందా? అనే విషయంలో అందరిలోనూ ఆసక్తి నెలకొంది.
Recent Random Post:
