ఇటీవలే హీరో తేజ సజ్జ తన స్నేహితురాలు, నిర్మాత ప్రియాంక దత్ పుట్టినరోజు సందర్భంగా ఇన్స్టాగ్రామ్లో ఒక ఫోటో పోస్టు చేయడం, అభిమానులలో కొత్త చర్చలకు దారి తీసింది. ఈ ఫోటోలో తేజ, ప్రియాంక, స్వప్న కలిసి ఉన్నారు, చివర్లో “See you in Kalki” అనే క్యాప్షన్ పెట్టడం విశేషం. అదనంగా హనుమాన్ vs కల్కి ఎమోజీ ఉపయోగించడం, ఫ్యాన్స్ లో కల్కి 2లో తేజ సజ్జ లేదా హనుమాన్ పాత్ర గురించి ఉత్సుకతను పెంచింది.
అయితే, ఈ ఫోటోకి లోతైన అర్థం ఉందా అనే విషయంలో సందేహం ఉంది. ఎందుకంటే హనుమాన్ తర్వాత స్వతంత్ర హీరోగా కెరీర్ నిర్మాణంలో ఉన్న తేజ సజ్జ, ప్రస్తుత పరిస్థితిలో క్యామియోల్స్ చేయడానికి ఆసక్తి చూపట్లేదు. ఫోటో, కేవలం ఫ్రెండ్షిప్ ఫ్రేమ్లో సరదాగా పంచుకున్నది మాత్రమే అని అనుకోవచ్చు. నిజానికి, తేజ సజ్జ చైల్డ్ ఆర్టిస్టుగా ప్రారంభించినప్పుడు స్వప్న, ప్రియాంక కూడా పిల్లలే, ఆ స్నేహం ఇప్పటివరకు కొనసాగుతోంది.
ఇక కల్కి 2 ప్రాజెక్ట్ ఎప్పుడైనా ప్రారంభమవుతుందా అనే విషయంలో, దర్శకుడు నాగ్ అశ్విన్, నిర్మాత అశ్విని దత్ మాత్రమే అంచనా వేస్తారు. ప్రభాస్ షెడ్యూల్స్, ఇతర నటుల కాల్ షీట్లు, కమల్ హాసన్ అందుబాటు వంటి అంశాలను పరిశీలించిన తర్వాత మాత్రమే సెట్స్ ప్రారంభం అవుతుంది. ఈ నేపథ్యంలో తేజ సజ్జ కల్కి 2లో ఉంటాడని చెప్పడం ప్రస్తుతం కేవలం ఊహాగానం మాత్రమే.
ప్రస్తుతం మే 12న విడుదలకాబోతున్న ‘మిరాయ్’ సినిమాతో తేజ సజ్జ మరో పెద్ద బ్రేక్ కోసం ఎదురుచూస్తున్నాడు. ట్రైలర్ విడుదలతో ప్రేక్షకుల ఆసక్తి మరింత పెరుగుతోంది.
Recent Random Post:
