అక్కినేని హీరోలు గత కొంతకాలంగా ఆశించిన విజయాలను అందుకోలేకపోతున్నారు. వందల కోట్లు వసూలు చేసిన సినిమాల గురించి మిగతా హీరోలు మాట్లాడుకుంటున్న వేళ, నాగచైతన్య, అఖిల్ మాత్రం సాలిడ్ హిట్ కోసం ఇంకా కష్టపడుతూనే ఉన్నారు. కింగ్ నాగార్జున తరచుగా హిట్లు కొడుతున్నప్పటికీ, అవి ఆయన స్థాయికి తగ్గ విజయాలు కావడం లేదు. అందుకే అక్కినేని హీరోలు అభిమానులకు మరింత మెరుగు చూపాలని కోరుకుంటున్నారు.
2022 నుండి అక్కినేని హీరోల సినిమాలను పరిశీలిస్తే, ‘బంగార్రాజు’తో నాగార్జునకు ఒక సక్సెస్ దక్కింది. కానీ ఆ తర్వాత ‘ది ఘోస్ట్’తో అతను డిజాస్టర్ ను ఎదుర్కొన్నాడు. అదే ఏడాది నాగచైతన్య ‘థ్యాంక్యూ’తో తీవ్ర ఫ్లాప్ ను ఎదుర్కొన్నారు. మరుసటి ఏడాది అఖిల్ ‘ఏజెంట్’ చిత్రంతో భారీ డిజాస్టర్ ను చవిచూశారు. అలా, ‘కస్టడీ’తో చైతూ మరో బైలింగ్వల్ మూవీతో ఫ్లాప్ ను ఎదుర్కొన్నారు. ఈ సినిమాలన్నీ బాక్సాఫీస్ వద్ద పెద్దగా రికవరీ చేయలేకపోయాయి.
గతేడాది సంక్రాంతికి ‘నా సామిరంగ’తో నాగార్జున బ్రేక్ ఈవెన్ సాధించగా, ఇది ఆయన స్థాయి విజయంగా చెప్పలేము. అందుకే అక్కినేని హీరోలు త్వరగా ఒక సాలిడ్ హిట్ సాధించి ట్రాక్ లోకి రావాల్సిన అవసరం ఏర్పడింది. అయితే, ఫ్యాన్స్ 2025లో తమ అభిమాన హీరోలు మరలా పెద్ద విజయాలు సాధిస్తారని ఆశలు పెట్టుకున్నారు.
ప్రస్తుతం నాగచైతన్య నటిస్తున్న ‘తండేల్’ సినిమాపై ట్రేడ్ లో భారీ అంచనాలు ఉన్నాయి. చందూ మొండేటి దర్శకత్వంలో గీతా ఆర్ట్స్ బ్యానర్ పై ఈ సినిమా ఫిబ్రవరి 7న తెలుగు, తమిళ, హిందీ భాషల్లో విడుదల కానుంది. ఇప్పటికే విడుదలైన ప్రమోషనల్ కంటెంట్ సినిమాకు మంచి బజ్ క్రియేట్ చేసింది. ఈ సినిమా ద్వారా యువసామ్రాట్ పక్కా బ్లాక్ బస్టర్ హిట్ కొట్టే నమ్మకం ఏర్పడింది. అనంతరం, కార్తీక్ దండు దర్శకత్వంలో చైతన్య ఓ భారీ మిథికల్ థ్రిల్లర్ సినిమాలో నటించనున్నాడు.
అఖిల్ మరోవైపు ‘లెనిన్’ అనే సినిమా చేస్తున్నాడు. మురళీ కిశోర్‌ అబ్బూరు దర్శకత్వంలో ఈ విలేజ్ బ్యాక్ డ్రాప్ యాక్షన్ డ్రామా రూపొందుతోంది. ఈ సినిమాను అన్నపూర్ణ స్టూడియోస్, సితార ఎంటర్టైన్మెంట్స్ సంయుక్తంగా నిర్మించనున్నాయి. ఈ సినిమా 2025 చివరలో విడుదల కానుందని అంచనాలు ఉన్నాయి. నాగార్జున కూడా ఈ ఏడాది రెండు సినిమాలతో ప్రేక్షకుల ముందుకు రానున్నారు, అయితే ఆయన కీలక పాత్రల్లో మాత్రమే కనిపించనున్నారు.
Recent Random Post:
