సౌత్ ఫిల్మ్ ఇండస్ట్రీలో దాదాపు రెండు దశాబ్దాలుగా తన అందం, అభినయంతో ప్రేక్షకులను అలరిస్తున్న స్టార్ హీరోయిన్ త్రిష కృష్ణన్ మరోసారి సోషల్ మీడియాలో హాట్ టాపిక్గా మారింది. తెలుగు, తమిళం, మలయాళం భాషల్లో అనేక సూపర్ హిట్ సినిమాల్లో నటించి స్టార్ హీరోయిన్గా మంచి క్రేజ్ సంపాదించుకున్న త్రిష, ఇప్పటికీ అదే గ్లామర్తో అభిమానులను ఆకట్టుకుంటోంది.
సోషల్ మీడియాలో కూడా త్రిష చాలా యాక్టివ్గా ఉంటూ తరచూ తన ఫోటోలు, వీడియోలను అభిమానులతో పంచుకుంటూ ట్రెండ్ అవుతుంటుంది. తాజాగా ఆమె షేర్ చేసిన చీరకట్టు ఫోటోలు ఇప్పుడు నెట్టింట వైరల్గా మారాయి. క్రీమ్ కలర్ పట్టుచీరలో కనిపించిన త్రిష ఫోటోలు అభిమానులను, సినీప్రియులను ఫిదా చేస్తున్నాయి.
ఆ ఫోటోలను షేర్ చేస్తూ “ఎల్లప్పుడూ నా అభిమానులుగా ఉండి నాకు ప్రేమ చూపిస్తున్నందుకు ధన్యవాదాలు” అంటూ త్రిష క్యాప్షన్ రాసింది. ఆమె ధరించిన క్రీమ్ కలర్ పట్టుచీరకు గ్రీన్ స్టోన్స్తో ఉన్న నెక్సెట్ మరింత అందాన్ని తీసుకొచ్చింది. సింపుల్ మేకప్, చిన్నపాటి చిరునవ్వుతో త్రిష మరింత అందంగా మెరిసిపోతూ కనిపించింది.
అయితే ఈ ఫోటోలు తీసిన సందర్భం కూడా ఆసక్తికరంగా మారింది. ప్రముఖ తమిళ సినీ నిర్మాత, వ్యాపారవేత్త సురేష్ తనయుడి వివాహ రిసెప్షన్ ఇటీవల చెన్నైలో ఘనంగా జరిగింది. ఆ వేడుకకు త్రిష హాజరైంది. రిసెప్షన్కు వెళ్లే ముందు రెడీ అయిన సమయంలో తీసుకున్న ఫోటోలనే ఆమె సోషల్ మీడియాలో షేర్ చేయడం విశేషం.
ఇదిలా ఉంటే అదే వేడుకకు సంబంధించిన మరో వార్త కూడా సోషల్ మీడియాలో చర్చకు దారి తీసింది. ఆ ఫంక్షన్కు త్రిష, ప్రముఖ నటుడు విజయ్ కలిసి ఒకే కారులో వెళ్లారని సోషల్ మీడియాలో ప్రచారం జరుగుతోంది. దీనిపై అధికారికంగా ఎలాంటి సమాచారం లేకపోయినా, నెటిజన్లు మాత్రం దీనిపై చర్చించుకుంటున్నారు. దీంతో త్రిష షేర్ చేసిన ఫోటోలు మరింత వైరల్గా మారాయి.
చీరలో త్రిష కనిపించిన ప్రతీసారి ఆమె ప్రత్యేకమైన స్టైల్ అభిమానులను ఆకట్టుకుంటుంది. పట్టుచీరైనా, కాటన్ చీరైనా లేదా లైట్ డిజైనర్ చీరలైనా త్రిష తనదైన అందంతో మెరిసిపోతుంది. సాధారణ అవుట్ఫిట్లలో కూడా ఆమెకు ప్రత్యేకమైన ఆకర్షణ ఉందని అభిమానులు కామెంట్లు చేస్తున్నారు. దాదాపు 20 సంవత్సరాలుగా సినీ రంగంలో కొనసాగుతున్న త్రిష ఇప్పటికీ అదే క్రేజ్తో ప్రేక్షకులను అలరిస్తుండటం ఆమె ప్రత్యేకతగా చెప్పుకోవాలి.
Recent Random Post:
