పవర్ స్టార్ పవన్ కళ్యాణ్ ని ఫ్యాన్స్ దేవుడిలా చూస్తారు. ఆయన పేరు చెబితే చాలు పూనకాలతో ఊగిపోతారు. ఆయన ఎక్కడ మీటింగ్ పెట్టినా అందరూ సీఎం సీఎం అంటూ అరుపులతో మోత మోగిస్తారు. ఆయన ని ఎవరైనా తక్కువ చేసినట్లు మాట్లాడితే అస్సలు ఒప్పుకోరు. ఇక టాలీవుడ్ లో ఆయనను మించినవారు ఎవరూ లేరు అని భావిస్తుంటారు. తమ హీరోని అందరి కంటే టాప్ లో ఉంచుతారు. పవన్ ఏ విషయంలోనూ తక్కువ కాకూడదు అని వారు కోరుకుంటూ ఉంటారు.
అలాంటిది పవన్ తనను తాను తగ్గించుకోవడం ఇప్పుడు ఫ్యాన్స్ కి జీర్ణం కావడం లేదు. ఇంతకీ మ్యాటరేంటంటే మొన్నటి వరకూ మూవీ షూటింగ్స్ తో బిజీగా ఉన్న పవన్ ప్రస్తుతం తన రాజకీయ భవిష్యత్తుపై ఫోకస్ పెట్టారు. వారాహి వాహనంలో ప్రయాణిస్తూ ప్రజలతో మమేకమౌతున్నారు. ఈ క్రమంలో బుధవారం ఆయన గోదావరి జిల్లాల్లో పర్యటిస్తూ అక్కడ రైతులతో మాట్లాడారు.
ఆ సమయంలో టాలీవుడ్ స్టార్ హీరోల ప్రస్తావన తీసుకురావడం విశేషం. మహేష్ ప్రభాస్ తన కంటే పెద్ద హీరోలని వారంతా పాన్ ఇండియా సినిమాలు చేస్తారు కాబట్టి తనకన్నా ఎక్కువ పారితోషకం తీసుకుంటారని అన్నారు. అంతేకాదు ఇక రామ్ చరణ్ ఎన్టీఆర్ లు గ్లోబల్ స్టార్లు అయ్యారని వారితో కలిసినప్పుడు తాను కూడా సరదాగా మాట్లాడతానని అన్నారు. తనకు ఎలాంటి ఇగో లేదని ఆయన చెప్పారు.
ఆయనకు ఇగో లేదు నిజమే. కానీ పవన్ ఫ్యాన్స్ అలా కాదు కదా. ఎవరైనా తమ హీరో ని చిన్న మాట అంటేనే ఓప్పుకోరు. అందరి హీరోలకన్నా పవన్ గొప్ప అని వారు ఫీలౌతుంటే పవన్ ఇతర హీరోలే తనకన్నా గొప్ప అంటూ చెప్పడం ఆయన ఫ్యాన్స్ కి నచ్చడం లేదు. పవన్ కన్నా ఎవరూ గొప్ప కాదు అని వారు అంటున్నారు. పవన్ చెప్పిన దాంట్లో నిజం లేకపోలేదు.
ఇప్పటి వరకు పవన్ పాన్ ఇండియా సినిమా తీయలేదు. కానీ ఇతర హీరోలు పాన్ ఇండియ లెవల్లో ఆకట్టుకుంటున్నారు. ఆ లెక్కన ఆయన చెప్పింది నిజమే కావచ్చు. కానీ ఫ్యాన్స్ కి మాత్రం ఆ మాటలు మింగుడుపడటం లేదు. తమ హీరో ది మంచి మనసు కాబట్టి అలా అన్నారని అంటున్నారు. అంతేకానీ టాలీవుడ్ లో పవన్ ని మించిన హీరో మరొకరు లేరు అని భావిస్తున్నారు.
Recent Random Post:
