తెలుగమ్మాయి ఐశ్వర్య రాజేష్ తమిళ చిత్ర పరిశ్రమలో అడుగుపెట్టి అక్కడే తనకంటూ ప్రత్యేక గుర్తింపు తెచ్చుకున్నారు. కానీ “సంక్రాంతికి వస్తున్నాం” సినిమాతో తెలుగువారికీ మరింత దగ్గరయ్యారు. వెంకటేష్ భార్యగా, నలుగురు పిల్లల తల్లిగా ఆమె చేసిన పాత్ర ఆడియన్స్ మనసులు తాకింది.
ఇప్పుడు ఆమె అమెరికాలో జరుగుతున్న తానా మహాసభల్లో పాల్గొన్నారు. ఈ సందర్భంగా మీడియాతో మాట్లాడిన ఐశ్వర్య కొన్ని ఆసక్తికర విషయాలను షేర్ చేశారు. “నటిగా రాణించాలంటే వయసు, గ్లామర్, హీరోయినిజం అనే బారియర్స్ను దాటాలి. నన్ను నటిగా గుర్తించాలనుకుంటే, ఎలాంటి పాత్రకైనా సిద్ధంగా ఉండాలి,” అని చెప్పారు.
“నలుగురు పిల్లల తల్లిగా నటించాను కాబట్టి ఇకపై తల్లిపాత్రలే వస్తాయేమో అని భయపడలేదు. ఒకవేళ ఆ సినిమాకు సీక్వెల్ వస్తే, ఆరుగురు పిల్లల తల్లిగా కనిపిస్తానని డైరెక్టర్ అనిల్ మసినెన్ని సరదాగా చెప్పారు,” అని నవ్వుతూ తెలిపారు.
“తల్లిపాత్రలు చేసినా, అందులోని అంతర్గత భావోద్వేగాలు, బలాన్ని చూపించాలంటే మంచి నటన అవసరం. అలాంటి ఛాలెంజింగ్ పాత్రలు చేయడం నన్ను Actorగా మరింత పరిపక్వతకు తీసుకెళ్తుంది,” అని పేర్కొన్నారు.
ప్రస్తుతం ఐశ్వర్య చెప్పిన మాటలు సోషల్ మీడియాలో వైరల్ అవుతున్నాయి. ఆమె చూపించిన ప్రొఫెషనలిజం, పాత్ర ఎంపికలో ఉన్న ధైర్యం సినీ వర్గాల్లో ప్రశంసలకు లోనవుతోంది.
Recent Random Post:
