‘ఆర్ఎక్స్ 100’ సినిమాతో ఒక్కసారిగా యువతను ఆకట్టుకున్న పాయల్ రాజ్ పుత్, ఆ తర్వాత గ్లామర్ ప్రాజెక్టుల పరంపర కొనసాగించినా సరైన బ్రేక్ మాత్రం దక్కలేదు. మంగళవారం సినిమాతో మళ్లీ ఫాంలోకి వస్తుందనుకున్నా, ఆశించిన అవకాశాలు ఆమెకి అందలేకపోతున్నాయి. గత సంవత్సరం చేసిన రక్షణ కూడా ఆశించిన స్థాయిలో ఆడియన్స్ను ఆకట్టుకోలేకపోయింది.
ప్రస్తుతం పాయల్, ఆది సాయికుమార్ హీరోగా నటిస్తున్న కిరాతక చిత్రంలో నటిస్తోంది. అలాగే తమిళంలో గోల్ మాల్, ఎంజెల్ అనే రెండు సినిమాల్లోనూ నటిస్తూ కోలీవుడ్లోకి ఎంట్రీ ఇస్తోంది. ఇప్పటివరకు పంజాబీ, హిందీ, తెలుగు, కన్నడ సినిమాలు చేసిన పాయల్కు ఇది తమిళ ఇండస్ట్రీలో తొలి అడుగు.
సినిమాల కంటే పాయల్ సోషల్ మీడియాలో తన ఫోటోషూట్లతోనే ఎక్కువగా హైలైట్ అవుతోంది. తన గ్లామర్ షోతో ఫ్యాన్స్ను ఎప్పటికప్పుడు ఎంటర్టైన్ చేస్తూ వారి మనసు గెలుచుకుంటోంది. తాజాగా బ్లాక్ కలర్ స్లీవ్లెస్ జాకెట్, డెనిమ్ షార్ట్స్లో చేసిన ఫోటోషూట్ వైరల్గా మారింది. ఆమె స్టిల్స్కు ఫ్యాన్స్ నుంచి ఘన స్పందన వస్తోంది. స్పైసీ లుక్స్తో పాటు, ఆమె చూపుల్లోనూ ఒక ఆకర్షణ ఉన్నట్లు అభిమానులు కామెంట్స్ చేస్తున్నారు.
ఒక స్టార్ మెటీరియల్ అయినా, పాయల్ ఇలా కేవలం ఫోటోషూట్లకే పరిమితమవడమంటే కొంత మంది అభిమానులకు ఆందోళన కలిగిస్తోంది. అయినా కూడా పాయల్ మాత్రం తన కెరీర్పై సంతృప్తిగా ఉంది. ఆమెను సినిమాలు తక్కువగా ఉన్నా, ఫ్యాన్స్ మాత్రం ఆమె అందచందాల ఫోటోషూట్లతో సరిపెట్టుకుంటున్నారు.
ఇప్పటికైనా రానున్న తమిళ, తెలుగు చిత్రాల ద్వారా పాయల్కు సక్సెస్ దక్కి, మరిన్ని అవకాశాలు రావాలని అభిమానులు ఆశిస్తున్నారు. ఇక పాయల్ మళ్లీ ఫుల్ ఫాంలోకి వస్తుందా లేదా అన్నది ఈ సినిమాల ఫలితాలపై ఆధారపడి ఉంటుంది.
Recent Random Post:
