‘వారణాసి (SSMB29)’ ఈవెంట్లో టెక్నికల్ గ్లిచ్ రావడంతో, దర్శకుడు రాజమౌళి దేవుడిపై చేసిన వ్యాఖ్యలు పెద్ద వివాదానికి దారితీశాయి. “నాకు దేవుడి మీద పెద్ద నమ్మకం లేదు”, “ఇదేనా హనుమంతుడు నడిపించేది?” వంటి కామెంట్లపై సోషల్ మీడియాలో విమర్శలు వెల్లువెత్తాయి. ఈ వివాదం చల్లారకముందే, నెటిజన్లు ఇప్పుడు జక్కన్న పాత ట్వీట్లను బయటకు తీసి మరోసారి చర్చను వేడెక్కిస్తున్నారు.
అందులో భాగంగా, 2011 ఏప్రిల్ 12న చేసిన ఒక పాత ట్వీట్ ఇప్పుడు వైరల్ అవుతోంది. శ్రీరామనవమి సందర్భంగా ఒక యూజర్ శుభాకాంక్షలు తెలపగా, రాజమౌళి “థాంక్స్. కానీ నాకు రాముడు ఎప్పుడూ నచ్చలేదు. అవతారాలన్నిటిలో నా ఫేవరెట్ శ్రీకృష్ణుడు” అని రిప్లై ఇచ్చారు. 14 ఏళ్ల కిందటి ఈ ట్వీట్ ఇప్పుడు తాజా పరిస్థితులకు ఆజ్యం పోస్తోంది.
ఈ పాత ట్వీట్ను ‘వారణాసి’ ఈవెంట్ కామెంట్స్తో కలిపి నెటిజన్లు రాజమౌళిని టార్గెట్ చేస్తున్నారు. “అప్పుడే రాముడు నచ్చలేదని అన్నాడు, ఇప్పుడు ఆ రాముడి భక్తుడైన హనుమంతుడిని నిందించాడు” అని విమర్శలు చేస్తున్నారు. స్పిరిచువల్ టచ్ ఉన్న టైటిల్ పెట్టి ఇలాంటి కామెంట్లు చేయడం తగదని అంటున్నారు.
“దేవుడిని నమ్మకపోవడం వ్యక్తిగత విషయం, కానీ టెక్నికల్ ఫెయిల్యూర్కి హనుమంతుడిని కారణం చేయడం ఏమిటి?”,
“RRRలో రామ్చరణ్ పాత్రను రాముడి తరహాలో పవర్ఫుల్గా చూపించిన వ్యక్తి, అంతకుముందు రాముడు నచ్చడని చెప్పడం ఎలా?” అంటూ ప్రశ్నలు గుప్పిస్తున్నారు.
సింహాద్రి, యమదొంగ, మగధీర, బాహుబలి, RRR వంటి సినిమాల్లో దేవతా అంశాలను బలంగా చూపించిన రాజమౌళి, ప్రస్తుతం 1000 కోట్ల ప్రాజెక్టులో కూడ రామాయణ ఘట్టాన్ని హైలైట్ చేస్తున్నారు. అలాంటి వ్యక్తి పెద్ద స్టేజ్పై తేలికగా ఇలా మాట్లాడడం సరికాదంటూ విమర్శలు వస్తున్నాయి.
Recent Random Post:
