టాలీవుడ్లో అనేక దర్శకులు ఒకవైపు సినిమాలు తెరకెక్కిస్తూ ఉంటే, మరోవైపు చిత్ర నిర్మాణ బాధ్యతలందరిని కూడా తీసుకుంటున్నారు. ముఖ్యంగా చిన్న సినిమాలకు మద్దతు ఇవ్వడం ద్వారా వారు కొత్త ప్రతిభను ముందుకు తెస్తున్నారు. ఇప్పటికే పలువురు డైరెక్టర్లు ఈ విధంగా దర్శకుడిగా కూడా, నిర్మాతగా కూడా బిజీగా ఉన్నారు.
తెలుగు సినీ దర్శకులు సుకుమార్, మారుతి, కొరటాల శివ వంటి పలువురు తమ సొంత నిర్మాణ సంస్థల ద్వారా పలు సినిమాలకు సమర్పకులుగా వ్యవహరించారు. ఎక్కువగా చిన్న చిత్రాలు ఉంటున్నాయి. ఇప్పుడు అదే జాబితాలోకి సందీప్ రెడ్డి వంగా కూడా చేరనున్నారు.
దర్శకుడిగా తన ప్రత్యేక శైలితో గుర్తింపు పొందిన సందీప్ వంగా, త్వరలో నిర్మాతగా కూడా ఓ సినిమా రూపొందించనున్నట్లు వార్తలు వెలువడ్డాయి. ఇప్పటికే ఆయన సోదరుడు ప్రణయ్ నిర్మాతగా ఉన్నా, ఇప్పుడు సందీప్ స్వయంగా ప్రొడ్యూసర్గా మారి చిన్న చిత్రాన్ని ప్రేక్షకుల ముందుకు తీసుకురానున్నారు. ఈ సినిమా భద్రకాళి ఫిల్మ్స్ బ్యానర్లో రూపొందనుంది.
ఈ సినిమాలో ఫేమస్ సుమంత్ అశ్విన్, మలయాళ యంగ్ హీరోయిన్ అనంతిక సనిల్ కుమార్ లీడ్ రోల్స్లో నటించనున్నారు. లేడీ ఓరియెంటెడ్ మూవీ 8 వసంతాలుతో మంచి గుర్తింపు సంపాదించిన అనంతిక ఇప్పుడు సందీప్ వంగా తో కలసి పని చేయనుంది.
తెలంగాణా గ్రామీణ నేపథ్యాన్ని బేస్గా రూపొందించనున్న ఈ చిత్రంలో కొత్త దర్శకుడు వేణు టాలీవుడ్లో డైరెక్టర్గా పరిచయమవ్వనున్నారు. ప్రస్తుతం వరంగల్లోని సందీప్ అధికారిక ప్రకటనకు సిద్ధంగా ఉన్నారని సమాచారం. ఇప్పటికే తెలంగాణ నేపథ్యంతో వచ్చిన వివిధ సినిమాలకు మద్దతు ఇచ్చిన సందీప్, ఈసారి కథల ఆధారంగా సినిమాలను నిర్మించనున్నారని ప్రచారం జరుగుతోంది.
Recent Random Post:
